DIE CHRISTELIKE LEWENSWYSE
Bid vir Christene wat vervolg word
Die Bybel het voorspel dat Satan ons sal vervolg. Hy gebruik vervolging om ons bediening teë te staan (Joh 15:20; Op 12:17). Hoe kan ons mede-Christene help wat in ander lande vervolg word? Ons kan vir hulle bid. “Die smeking van ’n regverdige het groot krag wanneer dit aan die werk is.”—Jak 5:16.
Waarvoor kan ons bid? Ons kan Jehovah vra om ons broers en susters te help om moed aan die dag te lê en nie bang te wees nie (Jes 41:10-13). Ons kan bid dat die owerheid nie ons predikingswerk teëstaan nie ‘sodat ons kan voortgaan om ’n kalm en stil lewe te lei’.—1Ti 2:1, 2.
Toe Paulus en Petrus vervolg is, het die eerste-eeuse Christene vir hulle gebid. In hulle gebede het hulle Paulus en Petrus op die naam genoem (Han 12:5; Ro 15:30, 31). As jy nie die name ken van jou broers wat vervolg word nie, noem dan die gemeente, land of streek in jou gebed.