Waarom het Jehovah sy naam geopenbaar?

’n Kommentaar op die “Ou Testament” wat in 1964 in Pole gepubliseer is, het hierdie vraag op ’n baie gedagteprikkelende manier beantwoord. Met imprimatur van die Rooms-Katolieke Kerk het dr. Stanisław Łach, ’n professor aan die Lublin-Universiteit, gesê:

“Vrygekoopte mense is verantwoordelik vir God se naam onder die mensdom.” Dit was die Israeliete se verantwoordelikheid om hulle daarvoor te beywer “dat die nie-Jode Jahwe [Jehovah] se naam loof en dat hulle [dit] nie laster nie”. “Jahwe het ’n betekenis . . . Die wêreld sal geoordeel word volgens hulle optrede teenoor diegene wat daardie naam bely.” Die professor het gesê dat “die naam Jahwe groot sal wees onder die nasies . . . Dit sal dwarsdeur die wêreld bekendgemaak word. Dit is hoe Moses die toekoms van . . . daardie naam beskou het.”

Ja, soos Maleagi 1:11 (NW) voorspel: “‘My naam sal groot wees onder die nasies’, het Jehovah van die leërskare gesê.” En wie verkondig daardie naam vandag wêreldwyd sodat ‘almal wat die naam van Jehovah aanroep, gered sal word’? Jehovah se Getuies! Die publiek se optrede teenoor hierdie “volk . . . vir sy Naam”, ja, “diegene wat daardie naam bely”, is vir hulle ’n saak van lewe of dood. Hoe tree jý teenoor Jehovah en sy Getuies op?—Handelinge 2:21, NW; 15:14; vergelyk Maleagi 3:16-18, NW.