Maxwell G. Friend oorlede

’n Internasionale vriend van baie, Maxwell G. Friend, is op 10 Februarie 1983 op die ouderdom van 92 oorlede. Hy is op 7 Desember 1890 vir Joodse ouers in Oostenryk gebore en sy naam was aanvanklik Max Freschel. Na ’n ortodokse opvoeding het hy die Bybel saam met Switserse Getuies begin bestudeer. Hy is eindelik op 9 Mei 1913 gedoop en het ’n gesalfde Christen-lsraeliet geword. ln 1914 het hy in die Duitse Bethel gedien. Nadat hy met Irma getroud is, het hulle in die Switserse Bethel in Bern gedien. ln 1924 is hulle na die Brooklynse Bethel oorgeplaas, waar hy sy naam na Maxwell G. Friend verander het.”a

ln die Verenigde State het hy as ’n vertaler, ’n reisende spreker en ’n regiseur van dramas oor die uitsaaistasie WBBR gedien. ln 1943 het hy een van die stigters-instrukteurs van die Wagtoring-Bybelskool Gilead in South Lansing, N.Y., geword. Sewentien jaar lank het hy 34 klasse onderrig en bemind geword by meer as 3 600 sendelingstudente. Hy het Openbare Bybel-spraakkuns en Bybelnavorsing gedoseer. In die laaste jare het duisende sy stem leer ken in talle byeenkomsdramas. Hy het dikwels gesê dat hy eendag tot sy hoër toewysing sou “gradueer” om saam met Christus in die hemelse Koninkryk te wees—Openbaring 14:13.

[Voetnoot]