Hooglied van Salomo

1 Die voortreflikste lied,+ dié van Salomo:+ 2 “Laat hy my soen met die soene van sy mond,+ want jou liefdesblyke is beter as wyn.+ 3 Jou olies+ is aangenaam van geur. Jou naam is soos ’n olie wat uitgegiet is.+ Daarom het meisies jou liefgehad. 4 Trek my met jou saam;+ laat ons hardloop. Die koning het my in sy binnekamers gebring!+ Laat ons tog bly wees en ons in jou verbly. Laat ons tog meer van jou liefdesblyke melding maak as van wyn.+ Tereg het hulle jou liefgehad.+

5 “’n Donker meisie is ek, maar lieflik, o dogters van Jerusalem,+ soos die tente van Kedar,+ en tog soos die tentdoeke+ van Salomo. 6 MOENIE na my kyk omdat ek donker is nie, want die son het my gewaar. Die seuns van my moeder het vir my kwaad geword; hulle het my as die bewaker van die wingerde aangestel, hoewel ek my wingerd,+ een wat myne was, nie bewaak het nie.

7 “Sê tog vir my, o my sielsbeminde,+ waar jy skape oppas,+ waar jy die kudde op die middaguur laat lê. Waarom moet ek word soos ’n vrou wat in rougewaad gehul is by die kuddes van jou metgeselle?”

8 “As jy dit self nie weet nie, o pragtigste onder die vroue,+ gaan dan uit op die spore van die kudde en laat jou boklammers by die woonplekke van die herders wei.”

9 “Met een van my merries voor die strydwaens van Farao het ek jou vergelyk,+ o my vriendin.+ 10 Lieflik is jou wange tussen die haarvlegsels, jou nek met ’n string krale om.+ 11 Goue ringe sal ons vir jou maak,+ tesame met silwerknoppies.”

12 “Solank die koning aan sy ronde tafel was, het my nardus+ sy geur afgegee.+ 13 Soos ’n sakkie mirre+ is my beminde vir my; tussen my borste+ sal hy die nag deurbring. 14 Soos ’n tros henna+ is my beminde vir my, tussen die wingerde van En-Gedi.”+

15 “Kyk! Jy is pragtig, o my vriendin.+ Kyk! Jy is pragtig. Jou oë is soos dié van duiwe.”+

16 “Kyk! Jy is mooi,+ my beminde, ook lieflik. En ons divan+ is van blare. 17 Die balke van ons pragtige huis is seders,+ ons dakbalke jenewerbome.