Merin Pa Were Jobino Bedo I Piny Manyien

Piny pa Were manyien kobedi paka piny ma wan’iye pama. Kobedo atoŋa pa Were nike piny wobed’iye teko, rembo, litho kodi chandirok. I hongo mabino, Were bino loko piny me kabedo maŋon. Piny manyien lechale nedi? Wey wanen gima Baibul wacho:

Ji mabeyo. Merin pa Were ama jobino bedo i piny manyien. Kis dhano bino timo ri nyawote gikipiny mabeyo. Jobino kuro chik pa Were.​—Matayo 5:5.

Chiemo bino bedo mathoth. Kech kobedi i piny manyien. Baibul wacho ni: Chiemo bino bedo mathoth i piny.​—Zabuli 72:16.

Udi mabeyo gi tich ma kelo kisangala. I piny manyien, kis dhano lebedo gi pecho pere. Kis dhano bino timo tich ma kelo ri go kisangala.​—Isaya 65:21-23.

Syem i piny gipi. Ji odoko jokonekere i lweny. Wach pa Were wacho ni: “Go kweyo lweny i piny gibe.”​—Zabuli 46:8, 9.

Kwo maber. Baibul wacho ni: ‘Ongoye ŋata bed i piny ma latwo kendo’ (Isaya 33:24) Kendo piny manyien kobed’iye jomoŋol, joma waŋ gin otho, kosa obadha.​—Isaya 35:5, 6.

Litho, rembo kodi tho jye bino rumo woko. Wach pa Were wacho ni: “Tho odoko kobedi, kosa rembo, kosa ywak, kosa litho, rupiri gikipiny macon jotieko leny woko.”​—Menyirok 21:4.

Jomarecho jokobedi. Jehova chiko ni jomarecho ibino reyo jo woko.​—Matayo 25:46.

Ji jobino marere kendo jobino worere. Chando ji, woro, kodi dakirok kobedi. Ji jye jobino tiyere maber kendo jobino luwo chik pa Were.​—2 Petero 3:13.