Jokwor Pa Were A Jomene?

Jakwor pa Were madwoŋ a Sitan. Go obedo chwech ma chuny mochayo Were. Sitan fuodi medere pyemo gi Were kanyachiel gi kelo ri ji teko. Sitan rach. Go jatwodo kendo janek.​—Yohana 8:44.

Jomalaika megi bende jomakere gi Sitan to jochayo Were. Baibul lwoŋo jo ni jwogi. Paka Sitan, jwogi bende jokwor pa ji. Jomito swa kelo ri ji litho. (Matayo 9:32, 33; 12:22) Jehova bino reyo woko Sitan kodi jwogi pere kichutho. Jodoŋ gi nyaka hongo machiek ma chando ji.​—Menyirok 12:12.

Ka imito bedo mere pa Were, ikiripi timo gima Sitan mito ni itimi. Sitan kodi jwogi jodak Jehova. Jobedo jokwor pa Were, aka jomito ni ibende ibedi jakwor pa Were. Iripo yero ŋata imito kisangala​—Sitan kosa Jehova. Ka imito kwo makirum, iripo timo gima Were yenyo. Sitan ni gi ryeko kodi nger mopokere opokere ma wondo gine ji. Go otyeko miŋo ji makweth.​—Menyirok 12:9.