FUONJI 9

Merin Pa Were A Jomene?

Yesu Kristo munyo Kere i Ker pa Were, aja jomalaika jotelo joma jofonjo wac maber ma mako kwoŋ Were

Yesu Kristo obedo Nyathi pa Jehova, kendo mere pere maloyo. Munyo fuodi kobino i piny ka, Yesu oido bedo i polo paka chwech ma chuny majameni. (Yohana 17:5) Rumachien, go obino i piny ka to fuonjo ji adyeri ma mako kwoŋ Were. (Yohana 18:37) Kendo omiyo kwo pere wonyal botho ji kwoŋ gimarach kodi tho. (Joroma 6:23) Onyo pama Yesu amobedo Kere ma Ker pa Were, adhum ma polo ma bino loko piny me kabedo maber swa.—Menyirok 19:16.

Jomalaika bende merin pa Were. Jomalaika jokobedo ji ma chango jobedoye i piny to jotho. Were ochweyo jo chango chon munyo fuodi kochweyo kir piny. (Yobu 38:4-7) Nitye jomalaika gana gi gana. (Menyirok 5:11) Merin pa Were me ma jobedo i polo jomito ni ji jowofuonjere adyeri ma mako kwoŋ Were.—Menyirok 14:6, 7.

Wajulizi pa Jehova jowaco ri dhako gima mako kwoŋ Were

Were ni gi merin pere i piny ka; go lwoŋo jo ni Wajulizi pere. Mujulizi i koti luwo gima mako kwoŋ dhano pere. Wajulizi pa Jehova bende jowacho ri ji gima mako kwoŋ Jehova kanyachiel kodi atoŋa pere. (Isaya 43:10) Paka jomalaika, Wajulizi pa Jehova jomito konyin ifuonjere gima mako kwoŋ Jehova. Jomito ni ibende ibedi mere pa Were.