Tit Lok me Kwena Maber ni Lobo Manyen Dong Cok!

I dwe me Novemba, wabibedo ki yub ma kite dok pat me tito kwena maber ni lobo maber makato man dong cok. (Jab 37:10, 11; Yabo 21:3-5) Ket tek wek inywak i yub man. Ka ipongo fom me tic macalo painia pi tutunu i dwe meno, ci itwero yero me tic pi cawa 30 nyo 50.

Yubbe me nywako ginacoya ma loko i kom lobo manyen bot dano mapol kit ma itwero kwede. Ka itye ka yero wang Baibul ma ibitiyo kwede, tam pi gin ma twero gudo cwiny jo ma tye i wang ticwu. Ka ngat mo onyuto miti i lim me acel, mine Wi Lubele pi lwak Nam. 2 2021. Ci idok cen ka lim cutcut dok ka twere, cak kwano Baibul kwede kun itiyo ki brocuwa me Bed ki Kwo Maber Nakanaka! Wabibedo ki yomcwiny madit adada ka walungo wiwa i nywako ‘kwena maber pi gin maber makato’!​—Ic 52:7.

NEN VIDIO ME WER MA WIYE TYE NI, I LOBO MANYEN MA BINO, CI IGAM LAPENY MAGI:

• Anyim mamwonya ango ma latin anyaka-ni tye ka goyo i wiye?

• Gin ango ma itye ka kurone i lobo manyen?

• Lwodo lok i kom genni twero konyi nining me yubbe maber wek itit kwena i dwe me Novemba?​—Luka 6:45