Yub ma Kite Dok Pat me Tito pi Ker pa Lubanga i Novemba

Yecu ‘otito lok me kwena maber me Ker pa Lubanga.’ (Luka 4:43) Dok opwonyo dano me lega pi Ker meno. (Mat 6:9, 10) I dwe me Novemba, wabibedo ki yub ma kite dok pat me tito pi Ker pa Lubanga. (Mat 24:14) Go pulanni maber wek ibed ki kare me nywako i yub man. Lutit kwena ma gibitic calo painia pi tutunu gitwero yero me miyo cawa 30 nyo 50 i dwe meno.

Tute ki keroni ducu me nywako ginacoya ma loko i kom Ker pa Lubanga ki dano mapol i wang ticwu. Ka itye ka yero ginacoya magi, tam pi dini pa ngat ma biwinyo lokki. Ka ngat mo onyuto miti i lim me acel, miye Wi Lubele Nam. 2 me 2020. Tute me dok cen ka lim cutcut, dok ka twere, cak kwano Baibul kun itiyo ki ginakwana mo ma nonge i kin Jami Ticwa me Pwony. Kare dong odic woko wek Ker pa Lubanga ojwer loc mo keken ma jemo i kom Lubanga. (Dan 2:44; 1Kor 15:24, 25) Pi meno, myero wati ki kare man me nyuto cwakwa i kom Jehovah kacel ki Kerre!