Ti ki Jami ma Tye i Buk me Baibul Pwonyo i Yo Maber

Ka latin kwan me Baibul tute me niang gin ma Baibul pwonyo dok keto i tic, ci en bidongo dok binyako nyige i yo me cwiny. (Jab. 1:1-3) Watwero bene konyo latin kwanwa me Baibul me dongo maber ka watiyo ki jami ma tye i buk me Baibul Pwonyo.

Lapeny me Cako Lok: Dul acel acel cakke ki lapeny ma nongo kigamo i pwony meno. Iromo tic ki lapeny magi me tugo miti pa latin kwan i kom pwony ma wubinyamo. Nyo iromo miyo bote kare me lok i kom lapeny magi. Ka en omiyo lagam ma pe atir, pe te lokke ni myero imine tira cutcut. Gin ma en oloko twero konyi me niang ka ma myero iket iye cwinyi me nwoyo lok.​—Car.16: 23; 18:13.

Lamed Ngec: Ka latin kwan oniang dok ojolo ngec ma tye i dul moni, gin ma myero itim aye me cuko cwinye me wot wiye wiye i lamed ngec ma rwatte ki pwony ma wutye ka nyamo. I nino mukene, iromo cwalo kare manok kwede me lok i kom pwony meno me neno ka en oniang iye maber. Ento ka inongo ni twero bedo me kony bote ci wuromo kwanyo kare me nyamo jami ma tye i lamed ngec nyo nyamo bute manok mo kun wukwano paragraf dok ipenyo lapeny mogo ma nongo dong iyubo con.

Bok me Nyamo Lok: Bok me nyamo lok ma tye i agikki me dul ducu tye ki lok ma miyo lagam i kom lapeny me cako lok. Itwero tic ki bute man me konyo latin kwan me tito wi lok madito. Wukwan lok man ki dwan malongo kacel ki ginacoya ma tye iye. Kwa latin kwan me tic ki ginacoya magi me tito gin mumiyo lok meno tye kakare.​—Tic 17:2, 3.