Lok i Kom Pwony Acel, ci Iwek Magajin Aryo

Magajin me Wi Lubele nyo Awake! gitye ki pwony mapatpat mabeco mapol. Ma ka lok i kom pwony mapol i doggola acel acel, bedo ber ka iloko i kom pwony acel keken. Ka watye ki wang mabit dok wangeyo pwony ma tye i magajin, ci watwero yero Wi Lubele nyo Awake! ma gudo cwiny rwod ot. Me labolle, ka waneno toi pa lutino i paco moni, waromo yero me lok i kom pwony ma kwako kwo pa jo me ot. Ka laco aye obino i doggola, waromo yero pwony ma gudo cwiny co, calo gamente ma locce ber. Kadi bed ni waloko i kom pwony acel keken, bedo ber ka waweko magajin aryo ducu bot rwod ot ka onyuto miti.