Kit me Nyuto Magajin

The Watchtower Agu. 15

“Wamito wawiny kong tammi i kom gin mo ma Yecu oloko kany. [Kwan Matayo 5:5.] Ka cikke man ocobbe ada, in itamo ni kwo i lobo-ni pud dok bibedo kit ma tye kwede i kare-ni? [Mine kare wek ogam.] Magajin man tiyo ki Baibul me tito kit ma Yecu bikelo kwede alokaloka i lobo. Tito bene angagi ma gibileyo lobo.”

Awake! Agu.

“In itamo ni wan pud dok wabineno jo me amarawa ma dong guto? [Mine kare wek ogam.] Nen kong cikke pa Yecu i kom jo muto. [Kwan Jon 5:28, 29.] Magajin man tito gin ma timme i komwa ka wato kun tiyo Baibul.” Lok i kom pwony ma cakke ki i pot karatac 28.

The Watchtower Sek. 1

“Dano mapol i kare-ni dong gipe ki miti i kom dini. In itamo ni bedo ladini mono twero konyo ngat moni me bedo dano maber? [Mine kare wek ogam.] Nen kong gin ma jo mukene gibiyenyone ki i dini, ma Baibul oloko con ni bitimme i kare man me agikki-ni. [Kwan 2 Temceo 4:3, 4.] Magajin man nyuto kit ma woro me ada kelo kwede deyo i kom Lubanga kacel ki adwogi maber botwa.”

Awake! Sek.

“Jo mapol gipenye kekengi ka nyo cayan kelo niye i kom Lubanga. In itamo iye ningo? [Mine kare wek ogam. Ci ikwan Jo Ibru 3:4.] Awake! man ma kite dok pat-ti, ngiyo tyen lok mogo ma oweko wegi ngec mukene me cayan dong giye i kom Lacwec.”