PWONY ME 52
Pingo Rukwa ki Kit ma Wanen Kwede Pire Tek?
Wan ducu watye ki miti mapatpat ka odok i kom rukwa ki kit ma wanen kwede. Ka walubo cik mogo ma igi lac me Baibul, ci wabiyero ruk ma wamito kun bene wayomo cwiny Jehovah. Kong dong wanyamo cik ma igi lac magi.
1. Cik ma igi lac mene ma konyowa me yero rukwa ki kit ma wanen kwede?
Omyero ‘warukke maber, ki mwolo, dok i yo ma nyuto niango’ kun wagwoko lengo me komwa wek jo mukene gunen ni wan “jo ma woro Lubanga.” (1 Temceo 2:9, 10) Nen kong cik ma igi lac angwen magi: (1) Myero warukke “maber.” Kit ma ineno kwede i cokke pa Lucaden pa Jehovah, jo pa Jehovah girukke i yo mapatpat, ento rukwa ki cital me yer wiwa nyuto woro i kom Lubangawa, Jehovah. (2) Ka warukke “ki mwolo” ci kit ma wanen kwede pe bitugo miti me buto i cwiny jo mukene, dok pe biywayo tam pa dano tutwal i komwa. (3) Wanyuto ‘niango’ ka pe waporo cital ruk ma jo me lobo-ni gimaro. (4) Kit ma wanen kwede myero onyut bot jo mukene ni wan ‘waworo Lubanga’ me ada.—1 Jo Korint 10:31.
2. Kit ma wanen kwede twero gudo luye luwotwa nining?
Kadi bed watye ki twero me yero gin ma wamito rukone, myero watam i kom kit ma man bigudo kwede jo mukene. Watute me rukke i yo ma pe cwero cwiny jo mukene, me ka meno, ‘ngat acel acel myero oyom cwiny lawote, wek odong i niye.’ Kwan Jo Roma 15:1, 2.
3. Kit ma wanen kwede twero ywayo dano i woro me ada nining?
Kadi bed watute me rukke maber kare ducu, ento omyero waket cwinywa tutwalle i kom kit ma warukke kwede ka wacito i cokke nyo i tic me pwony. Pe wamito ni wawir tam pa dano woko ki i kwena ma pire tek ma watero botgi. Me ka meno kit ma wanen kwede myero okony jo mukene me bedo ki miti i kom kwena maber dok owek “pwony pa Lubanga Lalarwa onen mamwonya.”—Tito 2:10.
NONG NGEC MATUT
Nen gin ma myero watim wek rukwa ki kit ma wanen kwede obed mupore pi Lukricitayo.
OEndeebeka yaitu neebaasa kworeka yaaba nituha ekitiinisa abaine obushoboorozi. N’obu Yehova araabe naareeba ebiri omu mitima yaitu, endeebeka yaitu nayo eshemereire kworeka ngu nitumuha ekitiinisa
4. Ka kit ma wanen kwede tye maber ci wanyuto ni waworo Jehovah
Pingo pire tek ni watam i kom kit ma wanen kwede? Kwan Jabuli 47:2, ci wunyam lapeny magi:
Ngeyone ni wacung pi Jehovah myero ogud kit ma warukke kwede nining?
Tika pire tek me tam i kom kit ma wanen kwede ka watye ka cito i cokke nyo i tic me pwony? Pingo pire tek, nyo pingo pire pe tek?
5. Kit me moko tam maber i kom rukwa ki kit ma wanen kwede
Kadi bongowa welle tek nyo pe, myero walwok maleng dok obed ma opore dok ma rwatte pi yub moni. Kwan 1 Jo Korint 10:24 ki 1 Temceo 2:9, 10. Ci wunyam tyen lok muweko myero wagwokke ki ruko bongo . . .
me luriyo tutwal dok ma nenone pe mit.
mading tutwal, ma nyuto dul komwa ka maleng, nyo ma tugo mito me buto.
Kadi bed Lukricitayo pe i te Cik pa Moses, ento Cik magi nyuto tam pa Jehovah. Kwan Nwoyo Cik 22:5, ci wunyam lapeny man:
Pingo myero wagwokke ki ruko bongo ma weko co nen calo mon, nyo mon nen calo co?
Kwan 1 Jo Korint 10:32, 33 ki 1 Jon 2:15, 16, ci wunyam lapeny magi:
Pingo myero wanen ni kit ma wanen kwede pe cwero cwiny ngat mo ka ma wabedo iye nyo i kacokke?
Cital me ruk mene ma onya i kin dano me kabedowu?
Tika itamo ni cital me ruk meno pe opore pi Lukricitayo? Pingo pe opore, nyo pingo opore?
Nitubaasa kujwara omu miringo etarikushushana kwonka nabwo tushemeze Yehova
JO MOGO GIWACO NI: “Atye ki twero me ruko gin mo keken ma iya mito.”
Tika icwako lok meno? Pingo icwako, nyo pingo pe icwako?
WOT WIYE WIYE
Ka kit ma wanen kwede tye maber ci wanyuto ni waworo Jehovah kacel ki jo mukene.
Ngo ma ipwonyo?
Pingo rukwa ki kit ma wanen kwede pire tek bot Jehovah?
Cik ma igi lac mene ma konyowa me yero rukwa ki kit ma myero wanen kwede?
Kit ma wanen kwede twero gudo kit ma jo mukene neno kwede woro me ada nining?
TIM KWED
Nen gin ma jo mukene tamo i komi ka guneno kit ma irukke kwede.
Nen pingo pire tek ni itam matut ma peya igoyo tattoo i komi.
“Gin Ango ma Baibul Waco i Kom Tattoo?” (Pwony ma tye i jw.org)
Nen dok cik ma igi lac mukene ma twero konyowa me moko tam.
“Tika Kit me Rukki Keto Deyo i Kom Lubanga?” (Wi Lubele, Sektemba 2016)
Lamego mo ma tye ki cwiny matir ocako bedo ki neno mupore nining i kom kit ma jo mukene girukke dok ginen kwede?
“Ruk ki Kit ma Jo Mukene Nen Kwede Onongo Tye Macalo Ariya Bota” (Awake!, Decemba 22, 2003)