Jing Genni i kom Teko pa Jehovah me Larri

Kwan Wel 13:25–14:4 me neno kit ma Luicrael gunyuto kwede ni gipe ki gen i kom Jehovah.

Nong ngec matut i kom gin ma otimme. Pingo onongo myero Luicrael gubed ki tekcwiny i kom teko pa Jehovah me larogi i kare ma gua ki Ejipt? (Jab. 78:​12-16, 43-53) Gin ango ma oweko gurwenyo gengi i kom Jehovah? (Nwo. 1:​26-28) Yocwa ki Kaleb gunyuto nining ni gigeno Jehovah?—Wel 14:​6-9.

Tim kwed i kom gin ma otimme. Gin ango ma Luicrael onongo gitwero timone me dongo gengi i kom Jehovah? (Jab. 9:10; 22:4; 78:11) Kubbe ango ma tye i kin geno Jehovah ki miye woro?—Wel 14:11.

Tam i kom jami ma ipwonyo dok iketgi i tic. Pennye kekeni ni:

• ‘I kare macalo mene ma atwero nongo ni tek me geno Jehovah?’

• ‘Atwero jingo genna i kom Jehovah i kare-ni ki dok i anyim nining?’

• ‘Gen ango ma atwero bedo kwede ka twon can madit atika-ni ocakke?’—Luka 21:​25-28.