Nong Adwogi Maber ki i Gin Tic Mo ma Tye i Baibul me New World Translation

Baibulwa me New World Translation of the Holy Scriptures tye ki wang ginacoya mogo matino tino ma kiryeyogi i dye pot karatac me Baibul. Wang ginacoya magi ginyuto ka maleng ni but Baibul mapatpat girwatte pien gimiyo ngec mukene i kom lok acel meno. Me nongo wang ginacoya magi, cak ki yenyo nukuta mo matidi ma kiketo i nget nyig lok moni. Ka itye ka tic ki Baibul ma kirudo, yeny en nukuta acel meno i dye pot karatac meno me nongo wang ginacoya ma kubbe kwede. Ka itye ka tic ki jw.org nyo JW Laibrari, di nukuta ma kiketo i nget nyig lok moni wek inen wang ginacoya ducu ma kubbe kwede.

Nukuta magi twero konyi me nongo:

Gin mutimme acel meno: Nukuta meno teri i wang ginacoya mukene ma tito gin acel mutimme-ni. Me labolle, nen 2 Camuel 24:1 ki 1 Tekwaro 21:1.

Ka ma kikwanyo lok moni ki iye: Nukuta meno nyuto ka ma lok moni oa ki iye. Me labolle, nen Matayo 4:4 ki Nwoyo Cik 8:3.

Lok pa lunebi ma ocobbe: Nukuta meno kubo kin lok pa lanebi moni ki cobbene. Me labolle, nen Matayo 21:5 ki Jekaria 9:9.