Nong Kabedo Mupore me Kwan

Tika imito ni kwan piri keni okelli adwogi maber? Tam magi gitwero konyi me keto cwinyi ka itye ka kwan piri keni:

• Yer kabedo mupore. Nong kabedo maleng ma tye ki dero muromo wek okonyi me neno gin ma itye ka kwanone. Itwero bedo abeda i wi kom i ot, nyo ka mo ma ineno ni opore woko i dye kal.

• Nong ka mo ma itwero bedo iye keni. Yecu onongo co “odiko con” ka lega i “kabedo ma dano pe iye.” (Mar. 1:35) Ka pe itwero nongo kabedo ma itwero bedo iye keni, ci wek jo ma ibedo kacel kwedgi gunge cawa me kwanni dok itittigi ni gumini kare me kwan.

• Ket cwinyi i kwanni. Gwokke ki jami ma twero wiro tammi. Ka itiyo ki cim nyo tabulet me kwanni, ci kwany dwanne woko nyo iket i airplane mode, wek pe owir tammi. Dok ka itamo i kom gin mo ma mitte ni itim i cawa me kwanni, co piny wek wi pe owil ci itim lacen. Ka itye ka nongo ni tek me keto cwinyi i kwanni, nong yweyo mo manok, nyo itwero a malo itwenye manok.