Pwony Jami Manyen i Cawa me Kwanni Piri Keni

Ka itye ka yubbe me cako kwan, pennye kekeni ni, ‘Gin ango ma atamo ni abipwonyo i kwanna man?’ Ento omyero wiwa opo ni kadi bed tye jami mogo ma wabyeko ni wabipwonyo, meno pe tyen lokke ni pe tye jami mogo manyen ma Jehovah mito ni wapwonygi. Watwero kwan i yo ma weko wapwonyo jami manyen nining?

Leg pi ryeko. Leg Jehovah wek okonyi me niang gin ma en mito ni ipwony i cawa meno. (Yak. 1:5) Gwokke ki bedo ka jenge i kom ngec ma inongo ki i kwanni i kare mukato.—Car. 3:​5, 6.

Wek Lok pa Lubanga olok kwoni. “Lok pa Lubanga obedo gin makwo.” (Ibru 4:12) Pi meno, kare ducu ka wakwano Baibul, watwero pwonyo gin mo manyen ma twero konyowa i yo mapatpat. Ento meno timme keken ka waniang ni tye jami mapol ma pe wangeyo ma Lubanga mito ni wapwonygi ki i Baibul.

Bed ki pwoc pi jami ducu ma Jehovah tiyo kwede me pwonyowa. Cam me cwiny tye calo “karama ma gicamo iye ringo mogo makur.” (Ic. 25:6) Dong pe iyer ‘cam’ ayera ki i wi meja pa Jehovah kun icayo pwony mogo ma itamo ni kwanogi pe mit. Camo cam me cwiny ducu bikonyi me doko dano muteggi dok ibinongo mit pa kwanni!