Tam Ma Twero Konyi

Kit me Tic ki Bute me “Ngo Manyen”

Bute me “Ngo Manyen” i JW Library^® ki jw.org nyuto pwony kacel ki vidio ma pud okatti nyen i kabedowa me Intanet. Itwero tic ki bute man nining me nongo ngec manyen loyo?

JW Library

• Pwony ma okatti nyen kicwalogi woko kun kimedogi i kom luwotgi ma nonge i te pwony ma katti kare ki kare. Pi meno, ka ineno pwony ma katti kare ki kare i te bute me “Ngo Manyen” itwero kwanyo pwony manyen loyo ki i kingi. Ci itwero kwano pwony manyen man pien nongo en aye kikwongo ketone i kin pwony ma kiryeyogi kenyu, kun kiryeyogi ma lubbe ki nino dwe ma gukatti iye.

• Oromo bedo ni pe itwero tyeko kwano ginakwana maboco, calo magajin, lawang acel. Me konyi ngeyo ka ma igik iye, itwero medo magajin meno i kin jami ma nonge i te bute me Favorites wang ma ityeko kwanone.

JW.ORG

Ngec mogo, calo lok angeya ki ripot mogo, ginonge i jw.org keken, ento pe i JW Library. Wi pe owil me roto pej me “Ngo Manyen” ma nonge i kabedowa me Intanet kare ki kare pi pwony ma okatti nyen.