Lunyodo—Wukony Lutinowu me Nongo Ryeko ma A ki Bot Lubanga

Yo acel ma lunyodo gitwero konyo kwede lutinogi me nongo ryeko ma a kit bot Lubanga aye me konyogi wek gunong adwogi maber ki i cokke pa Lukricitayo. Gin ma jo matino gineno dok giwinyo ki dong lagam ma gimiyo i cokke twero konyogi me pwonyo lok i kom Jehovah ki me doko lareme macok. (Nwo 31:​12, 13) Ka in lanyodo, itwero konyo latinni nining me nongo adwogi maber loyo ki i cokke?

• Tute ki keroni ducu me cito i cokke i Ot me Ker.—Jab 22:22

• Cwal cawa kacel ki omege ki lumege i nge cokke nyo ma cokke peya ocakke.—Ibru 10:25

• Nen ni jo me gangi ducu gitye ki ginakwana ma kitye ka nyamone i cokke, i cimgi nyo ma kigoyo agoya

• Kony latinni me yubo ki miyo lagam ma pe kwano akwana.—Mat 21:​15, 16

• Lok lok mabeco i kom yub me cokke ki dong pwony ma inongo ki i cokke

• Kony lutinoni me nywako i tic mogo calo gwoko lengo i Ot me Ker ki dong lok ki jo muteggi ma i kacokke

Konyo lutinoni me nyikke cok ki Jehovah mito tute matek dok i kine mukene twero nen calo pe itwero cobone. Ento itwero bedo ki gen ni Jehovah bikonyi.—Ic 40:29.

NEN VIDIO MA WIYE TYE NI MACALO LUNYODO, WUJENGE I KOM JEHOVAH KI DONG TEKONE, CI IGAM LAPENY MAGI:

• Olo onongo tye ka gudo Jack ki Leah nining?

  Co lagammi

• Pingo lunyodo myero gujenge i kom Jehovah pi teko?

  Co lagammi

• I yo ango ma Jack ki Leah gujenge kwede i kom Jehovah pi kony?

  Co lagammi