KWOWA MACALO LUKRICITAYO
Ti ki Bed ki Kwo Maber Nakanaka! i Tic me Pwony
Cwinywa yom adada ni dok watye ki brocuwa kacel ki buk manyen ma watwero tic kwede me kwano Baibul ki dano! Walego ni Jehovah ogo laane i tutewa me loko dano mapol me doko lupwonnye. (Mat 28:18-20; 1Kol 3:6-9) Watwero tic ki jami tic manyen-ni nining?
Buk kacel ki brocuwa me Bed ki Kwo Maber Nakanaka! dok pat adada ki bukke mukene ma watiyo kwede i ticwa me pwony, pi meno lub tam ma kimiyo kany ka itye ka yubbe ki dong kwano Baibul ki dano.a
Wukwan Paragraf ma wubinyamone ci ipeny lapeny
Wukwan ginacoya ma kinyuto ni “kwan,” ci ikony latin kwanni me niang wang Baibul meno
Tuk ci wunyam vidio kun wutiyo ki lapeny ma kimiyo
Ka wucako kwano pwony moni, wutute me tyekone i nino meno
Ka itye i tic me pwony, cak ki miyo brocuwa me niang ka ce ngat meno tye ki miti. (Nen bok ma wiye tye ni “Kit me Miyo Brocuwa me Bed ki Kwo Maber Nakanaka! i Lim me Acel.”) Ka wutyeko kwano brocuwa man kacel dok latin kwan pud mito medde ki kwan, mi buk dok wucak ki i pwony me 04. Ka itye ka kwano Baibul ki ngat mo kun itiyo ki buk me Baibul Pwonyowa nyo Bed i Mar pa Lubanga, wukob i buk me Bed ki Kwo Maber Nakanaka! ci imok ka ma wutwero cako kwanwu ki iye.
NEN VIDIO MA WIYE TYE NI WAJOLI I KWANNI ME BAIBUL, CI IGAM LAPENY MAGI:
Ngo ma lutino kwan me Baibul gibipwonyo ki i buk manyen-ni?
Pingo myero inyut vidio man bot lutino kwan me Baibul manyen?
Yub ango ma myero icuk cwiny latin kwanni me cobone?—Nen bok ma wiye tye ni “Gin ma Kibinyamo ki Gin me Atima pi Pwony Acel Acel.”
a BED KI NGEC NI: Kadi bed pe tye macalo cik ni myero iti ki bute ma waco ni “Tim Kwed” ka wutye ka kwan, ento omyero ikwany kare me kwano pwony nyo neno vidio ducu ma kiketogi i bute man ka itye ka yubbe pi kwanwu. Ka itimo meno, ci ibingeyo ngo ma twero konyo nyo gudo cwiny latin kwanni. Ka itye ka tic ki tabulet nyo cim me kwano buk man, itwero diyo vidio ki pwony ma kinyutogi ci cwali atir ka ma ginonge iye.
GIN MA KIBINYAMO KI GIN ME ATIMA PI PWONY ACEL ACEL |
|||
|---|---|---|---|
PWONY |
GIN MA KIBINYAMO |
GIN MA LATIN KWAN MYERO OTIM |
|
1 |
01-12 |
Nen kit ma Baibul twero konyi ki kit ma itwero ngeyo kwede Ngat ma oweko kicoyo |
Cuk cwiny latin kwan me kwano Baibul pire kene, yubbe pi kwan, ki dong cito i cokke |
2 |
13-33 |
Nen gin ma Lubanga otimo piwa ki dong kit ma en mito ni kiwore kwede |
Cuk cwiny latin kwan me nywako lok ada ki jo mukene ki me doko latit kwena |
3 |
34-47 |
Nen gin ma Lubanga mito ni jo ma wore myero gutim |
Cuk cwiny latin kwan me dyero kwone bot Jehovah ki dong nongo batija |
4 |
48-60 |
Nen kit ma itwero medde ki bedo i mar pa Lubanga |
Pwony latin kwan me poko kin gin maber ki marac ki dok me dongo i yo me cwiny |