Dongo Dirowa I Tic Me Pwony​—Lok Kit me Pwonyi

GIN MUMIYO PIRE TEK: Lukricitayo ma kiwirogi kacel ki romi mukene-ni gilwongo dano ducu wek ‘gumat pii me kwo labongo wel mo.’ (Yabo 22:17) Pii man cung pi jami ducu ma Jehovah timo me laro jo ma luwiny ki i bal ki to. Me konyo jo ma gia ki i tekwaro kacel ki dini mapatpat, omyero watit “lok me kwena maber” i yo ma gudo cwinygi ki acel acel.​—Yabo 14:6.

KIT ME TIMONE:

• Yer lok ki ginacoya ma gudo cwiny dano ma i wang ticwu. Iromo yero kit me cako lok nyo gin mo ma itiyo kwede ci onyako nyige. Lok nyo ginacoya mene ma dano maro? Tika tye gin mo ma pud otimme cokcok-ki i kabedowu? Lok ango ma twero gudo cwiny laco nyo dako?

• Ti ki mot dok ilub tekwaro ma kimaro i kabedowu.​—2Kor 6:3, 4

• Bed ki ngec i kom ginakwana nyo vidio ma tye i kin Jami Ticwa ma Pigi Tego me Pwony wek imi nyo inyutgi bot ngat ma onyuto miti

• Bed ki ginakwana nyo vidio i leb pa jo ma itwero nongogi i wang ticwu

• Lok kit me lokki ma rwatte ki miti pa rwod ot. (1Kor 9:19-23) Me lapore, ngo ma ibiwaco ka iniang ni rwod ot pud orwenyo danone cokcok-ki i to?

NEN VIDIO MAN, CI IGAM LAPENY MAGI:

• Gin ango ma latit kwena onongo ocako lok iye ki rwod ot?

• Gin ango ma onongo tye ka timme i kwo pa rwod ot?

• Ginacoya mene ma onongo rwatte loyo, dok pingo?

• Itwero loko kit me pwonyi nining wek ogud cwiny jo ma i wang ticwu?