“Pe Atwero Nongo Dano-ni Paco!”

In dong iwaco kit meno i kom ngat mo ma onyuto miti? Kadi bed ni dong itemo rwatte ki ngat meno tyen mapol, pud peya inongo en wek imedde ki oonyo pii i te kodi ma icoyo-ni. (1 Kor. 3:6) I kine mukene, lutit kwena mucwiny gicoyo waraga bot ngat ma pe gunongo paco-ni, nyo gicoyo lok mo manok ci giweko i te doggolane. Lutit kwena mukene ka guniang ni nongo dano moni paco twero bedo tek, gipenyo pi namba cimme i limgi mukwongo kun giwaco ni, “Itye ki cim?” Ka ce ilimo ngat moni, icoyo bote waraga, igoyo cim bote, icwalo mecej nyo e-mail, nyo iweko gin mo i te doggolane, ci myero ikwan calo idok cen ka lim. Kadi bed ngat meno pe nonge paco, pud watwero medde ki dongo mitine.