Tito Niyewa i kom Mwaka 1914

Ginacoya cuko cwinywa me bedo ma ‘wayubbe kare ducu pi dok i lok’ i kom niyewa, kun ‘wadok iye ki mwolo dok ki woro.’ (1 Pet. 3:15) Ki lok ada, waromo nongone ni tek me tito lok ada matut me Baibul, calo kit ma wangeyo kwede ni Ker-ri ocako loc i mwaka 1914. Me konyowa, kiyubo pwony mo ma kipoko iye aryo ma wi lokke tye ni “Nyamo Lok i kom Pwony me Baibul—Awene ma Ker pa Lubanga Ocako Kwede Loc?” Pwony magi gitye i Wi Lubele me leb Muno ma wabitero bot dano i dwe me Oktoba ki Novemba. Ka itye ka ngiyo pwony man, wunyam lapeny magi i kom kit me cako lok ma latit kwena mo ma nyinge Cameron, otiyo kwede.

En otiyo ki . . .

• miyo pwoc calo yo me nongo ka cungo me lok nining?—Tic 17:22.

• mwolo i tito niyene nining?—Tic 14:15.

Pingo obedo ber ni en . . .

• onwoyo macek cek lok madongo me pwony moni ma peya omedde anyim i pwony mukene?

• oling kare ki kare kun penyo ka rwod ot oniang maber gin ma ebedo ka titone?

• pe otemme me tito lok mapol mukato kare i lokgi i nino ducu?—Jon 16:12.

Watye ki twon pwoc madit bot Jehovah, ‘Lapwonywa,’ pi pwonyowa kit me tito lok ada matut me Baibul bot jo ma gitye ki miti me niang iye!—Ic. 30:20.