“Abino ka Limi Pien . . .”

Ka rwodi odi guyabo doggolagi ci gunongo wacung kenyu, guromo bedo ki ur ni man angagi, dok ngo ma okelogi kany? Ka watye ka cako lok kwedgi ngo ma watwero wacone wek wigi opye? I nge motogi lutit kwena mogo gitiyo ki nyig lok ni “pien” me titte. Me laporre, guromo wacci: “Wabino ka limowu pien wan ducu watye ki par i kom turo cik ma onya tutwal-li. Itamo ni . . .” nyo “Abino ka limi pien apwonyo lok me Baibul labongo cul mo.” Ka i acakki me lokwu wutito bot rwod ot ngo mumiyo wubino, ci oromo tugo mitine me winyo gin ma wubilokone.