Cuk Cwiny Lutit Kwena me Cako Kwano Baibul ki Dano i Ceng Abicel Mukwongo
Cakke i Mai me mwaka 2011, kicuko cwiny lutit kwena me temme me cako kwano Baibul ki dano i Ceng Abicel mukwongo me dwe ducu. Me konyowa me timo meno, kityeko keto yub me pwony ma katti i Wi Lubele ma wi lokke tye ni “Lapeny ma Kigamo me Baibul.” Pi man, i cokke me cito i tic me pwony i Ceng Abicel mukwongo myero kinyam kit me tic ki pwony man me cako kwano Baibul ki dano, dok kinyut lapor mo acel i kit me cako kwano Baibul.
Luelda giromo yero me keto yub wek gurup me cito ka pwony acel acel orwatte i kabedo mapatpat i Ceng Abicel mukwongo, nyo giromo moko ni gurup me cito ka pwony ducu gurwatte kacel i Ot me Ker. Ento, ka kacokke mapol gitiyo ki Ot me Ker acel-lu, kacokke mo pe myero olok nino ma pire tek man me cako kwano Baibul oket i nino mukene, pien gimito ni lutit kwena ducu guribbe kacel i cokke me cito ka pwonyo dano.