Nyamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke i Agucito 26, 2013. Nino dwe ma kibinyamo iye pwony ma wanongo ki i kwano Baibul i cabit moni, kinyuto i ka nget lapeny acel acel, wek kare me kwedo ki yubbe pi cukul cabit ki cabit owot maber.

1. Pwony ma pire tek ango ma wanongo ki i kom Kabaka Kerode me ye deyo ki pak ma oa ki bot dano? (Tic 12:21-23) [Jul. 1, w08-E 5/15 pot 32 para. 7]

2. Bulu ma gin Lukricitayo ginongo adwogi maber nining ka gubedo ka lwodo ki lubo lanen pa Temceo? (Tic 16:1, 2) [Jul. 8, w08-E 5/15 pot 32 para. 10]

3. I nge winyo kit ma Apolo “loko ki tekcwiny” i kacokke pa lujudaya ma i Epeco, Akwila ki Pricikila gukonyo Apolo i yo me mar nining? (Tic 18:24-26) [Jul. 15, w10-E 6/15 pot 11 para. 4]

4. Wang Ginacoya mene ma Lucaden pa Jehovah gijenge iye ka gucito i kot pi gwoko twerogi me tito kwena? (Tic 25:10-12) [Jul. 22, bt-E pot 198 para. 6]

5. Lakwena Paulo omedde ki tito kwena nining i kare ma en tye lamabuc i Roma, dok Lucaden pa Jehovah gilubo lanen meno nining? (Tic pa Lukwena 28:17, 23, 30, 31) [Jul. 29, bt-E pot 215-217 para. 19-23]

6. Pingo Baibul waco ni tim me buto i kin co ki co nyo mon ki mon ni obedo tim me lewic dok me kwer? (Rom. 1:26, 27) [Agu. 5, g-E 1/12 pot 28 para. 7]

7. ‘Ginkok ma Yecu Kricito oculo’ i mwaka 33 K.M. onongo twero kwanyo “bal ma yam dano gutimo con” nining? (Rom. 3:24, 25) [Agu. 5, w08-E 6/15 pot 29 para. 6]

8. Yub me mar ango ma Jehovah oketo pi kare ma watye ki pekki mapol atika, dok pe wangeyo gin ma myero waleg pire? (Rom. 8:26, 27) [Agu. 12, w08-E 6/15 pot 30 para. 10]

9. Tyen lokke ngo ka kicikowa ni “wuket cwinywu bene ka gwoko welo”? (Rom. 12:13) [Agu. 19, w09-E 10/15 pot. 5-6 para. 12-13]

10. I yo ma nining ma ‘waruko kwede Rwot Yecu Kricito’ kit ma lakwena Paulo owaco-ni? (Rom. 13:14) [Agu. 26, w05-E 1/1 pot 11-12 para. 20-22]