Kit me Nyutu Magajin

The Watchtower Agucito 1

“Jo mapol gitamo ni dano ducu ma kitgi beco gibicito i polo. In bene iye lok meno? [Mine kare wek ogam.] Nen kong ngo ma kiwaco kany ma dok i kom lobo. [Kwan Jabuli 37:11, 29.] Pwony man nyutu ngo ma Yecu opwonyo ma lubbe ki anyim pa dano i lobo kany.” Nyut pwony ma cakke ki i pot karatac 22.

Awake! Agucito

“To pa lanyodo tye i kin jami mapol ma timme i kwo ma cwero cwinywa. Tika iye lok man? [Mine kare wek ogam.] Dano mapol gunongo kwe cwiny ki i tyeng mogo me Baibul calo man. [Kwan Niyabo 21:4.] Pwony man tito kit me lweny ki cwercwiny ma nongo obwoyowa, tutwalle pi bulu.” Nyut pwony ma cakke ki i pot karatac 10.

The Watchtower Sektemba 1

“Jo mukene giwaco ni ka ibedo lagen bot Lubanga, en mini mot me lonyo ento can nyutu ni i pe ki cwak pa Lubanga. In itamo iye ningo? [Mine kare wek ogam.] Ento gin ma cungo wic tye ni Yecu onongo pe obedo lalonyo. [Kwan Luka 9:58.] Magajin man nyamo kodi mot ma jo pa Lubanga myero gubed ki gen me nongone.”

Awake! Sektemba

“In itamo ni jo matino i kareni gitye ki pekki mapol ma kato kare mukato angec? [Mine kare wek ogam.] Dano mapol gitamo ni tyeng man loko i kom karewa-ni. [Kwan 2 Temceo 3:1.] Magajin man oryeyo cik mogo ma tye i Baibul ma romo konyo lunyodo ki bulu me lweny ki pekki magi.”