Kit me Nyutu Magajin

The Watchtower Juni 1

“Dano mapol giye ni dini mapat pat me lobo-ni gubedo yo ma tero dano bot Lubanga. In itamo iye ningo? [Mine kare wek ogam.] Nen kong gin ma Baibul waco. [Kwan Yocwa 24:15.] Pwony man nyamo tyen lok mumiyo omyero kong waniang maber ka dini ma watye iye-ni terowa bot Lubanga me ada.” Nyut pwony ma cakke ki i pot karatac 12.

Awake! Juni

“Wan ducu wangeyo jo ma dong guto. In mono itamo ni omyero walworgi pien ni giromo keco dok giwanowa? [Mine kare wek ogam. Ci ikwan Latitlok 9:5, 6.] Ibinongo pwony man tye me cuko cwiny.” Nyut pwony ma cakke ki i pot karatac 22.

The Watchtower Julai 1

“Jo mapol ma gitye ki Baibul ginongo niang lok ma iye tek. In bene inongo kit meno? [Mine kare wek ogam.] Ma lubbe ki tyeng man, Ngat Mucoyo Baibul-li mito ni waniang dok wanong adwogi maber ma a ki i Lokke. [Kwan Jabuli 119:130.] Magajin man miyo tam adek mapat pat ma bikonyowa me niang Baibul.”

Awake! Julai

“Cwiny dano mapol i kare-ni tye ka tur. In itamo-ni Lubanga mono paro pi jo ma cwinygi otur? [Mine kare wek ogam. Ci ikwan Jabuli 34:18.] Magajin man tito kit ma jo ma cwinygi otur giromo nongo kwede kony ki bot Lubanga, kadi bed mitte ni myero gucit i ot yat. Miniwa bene tam i kom ngo ma watwero timone me kweyo cwinygi.”