Cokke Me Ticwa Me Ker

Cabit ma Cakke i Decemba 12

Wer 32

Dak. 10: Lok angeya ma botwa kany. Lok Angeya ma kiyero ki i Ticwa me Ker. Ti ki tam ma kimiyo i pot karatac 8 (ka rwatte ki kwo me wang ticwu) me poro kit me miyo Watchtower me Novemba 15 ki Awake! me Novemba 22. Kit me nyuto magajin i yo mukene maber bene kitwero tic kwede. Inge lapor acel acel, nyut kit ma kiromo tic kwede ki ginacoya i yo mayot i kare me lok.

Dak. 15: “Cukul ma Konyowa me Keto Pwony ma Wanongo i Tic.” Pwony man lador wi cukul aye omyero omi. Ti ki tam ma tye i Ticwa me Ker me Oktoba 2005 i pot karatac ma kiluto i iye.

Dak. 20: “Pwony ma Tero Dano i Kwo.”a Yub woko con wek dano acel nyo aryo mo gutit adwogi maber ma gunongo ki i pwony ma a ki bot Lubanga.

Wer 101 ki lega me agikki.

Cabit ma Cakke i Decemba 19

Wer 160

Dak. 5: Lok angeya ma botwa kany. Tit pi yub me cito i tic me pwony i nino dwe 25 me Decemba ki nino dwe 1 me Januari. Po wi dano me bino ki Awake! me Januari mwaka 2006 i Cokke me Ticwa me cabit ma bino.

Dak. 15: “Nyut Miti i Kom Dano—Ki Loko Kit me Pwonyi.”b Wek kinyut lapor mo macek ma nyuto kit ma latit kwena twero loko kwede yo me pwonye ma lubbe ki lok pa rwed ot.

Dak. 25: “Latinni Mono Twero Moko Tam ma Ocwiny?”c Pwony man laelda aye omyero omi. Wek omego ma ngeyo kwan maber okwan paragraf ki dwan malongo. Lok i kom ginacoya ducu ma kicimogi ento pe kiketo lokgi. I nge nyamo tam ma i paragraf 2, por ki gin ma kiloko i kom bulu aryo i paragraf 16-17 ki gin ma tye i bok i pot karatac 16-17 i Watchtower me Juni 15, mwaka 1991. Me dolo tere, cuk cwiny lunyodo me kwano lok ma tye i Watchtower ka ingeye gunyam kun giporo cik ma Baibul miyo i lok kom remo, wek okonygi me tito niyegi ki tekcwiny. Lunyodo omyero gunen ni lutino ma dong gunongo batija omyero gubed ka wot ki kad me remo ma kilwongo ni Advance Medical Directive/Release ki dong lutino ma pud peya gunongo batija guwot ki Identity Card. Ka inen kigamo ngat acel i ot yat dok kikelo lok me medo remo, ci laelda myero ocwal lok man bot Hospital Liaison Committee wek gumi kony.

Wer 56 ki lega me agikki.

Cabit ma Cakke i Decemba 26

Wer 85

Dak. 10: Lok angeya ma botwa kany. Kwan lok i kom lim dok imi pwoc pi lim ma kibolo. Po wi lutit kwena me miyo ripotgi me Decemba. Ka ce kacokkewu tye ki yub me loko cawa me bino i cokke i mwaka manyen, ci tit pi cawa ma kiloko manyen-ni. Tit bene pi buk ma wabitero bot dano i Januari, dok inyut ka ma tam ma kimiyo me nyuto buk meno twero nonge iye.

Dak. 15: Kop ma mako kacokkewa.

Dak. 20: Jami ma Tye Manyen i Awake! Pwony man orubbe ki nyamo lok kacel ki lwak. Tit pi alokaloka manyen ma tye i Awake! ma kiloko pire i Our Kingdom Ministry me Marci mwaka 2005, pot karatac 1, paragraf 5-6. Lok bene i kom ka ma kicoyo ni “To Our Readers” (Bot Jo ma Kwano Bukkewa) i Awake! me Januari mwaka 2006, i pot karatac 3-4. Nyut labol kit ma magajin man tero kwede lakwanone atir i Baibul. Wek lwak gulok i kom jami manyen meno ma nonge i pot karatac 3. Wabimedde ki nyuto Watchtower ki Awake! lakacel i kare me cako lokwa me acel ki dano. Ngene kene ni wabitero Awake! acel acel ma bino bot jo ma watero magajin botgi kare ducu kacel ki jo ma gimaro kwano magajinwa kare ki kare. Nyut lapor kit me miyo Watchtower me Januari 1 ki Awake! me Januari ka tye. Kit me nyuto magajin i yo mukene maber bene kitwero tic kwede. Ticwa Me Ker me Januari bikati ki kit mukene me aryo me nyuto Awake! me Januari. Kitwero tic ki yo aryo magi pi dwe meno kulu.

Wer 222 ki lega me agikki.

Cabit ma Cakke i Januari 2

Wer 5

Dak. 7: Lok angeya ma botwa kany ki Lok Angeya me Tiokraci.

Dak. 18: “Ti Maber ki Bukkewa ma gijenge i Baibul.”d Ti bene ki tam ma tye i Our Kingdom Ministry me Sektemba 2002, pot karatac 1.

Dak. 20: “Gure Madit me Distrik pa Lucaden pa Jehovah me Mwaka 2006 ma Wi Lokke Tye ni ‘Larre Dong Tye Cok.’”e Karan me kacokke aye omyero omi pwony man. Cuk cwiny dano ducu me cako yubbe pi gure man con.

Wer 48 ki lega me agikki.

[Lok ma tye piny]