Lok Angeya

◼ Dwe me Abongwen: Ti ki buk me Is There a Creator Who Cares About You?, Ngec Ma Terowa i Kwo ma Pe Tum, brocuwa ma tye ki pot karatac 32 me Wubed ma Wukiyo Piny!, nyo bukke mogo ma dong kigwokogi pi kare ma lac ka pud gitye. Dwe me Apar: Wabitero Watchtower ki Awake! bot dano. Kama kinyuto iye miti, nyut brocuwa me Mito ki tam me cako kwano Baibul ki dano. Dwe me Aparacel: Ti ki buk me Learn From the Great Teacher. Ka jo mukene guwaco ni gipeke ki lutino ti ki buk me Ngec nyo trak me In Imito Ngeyo Lok Mapol Ikom Baibul? Dwe me Apararyo: Ti ki buk me The Greatest Man Who Ever Lived. Nyo itwero tic bene ki bukke mukene macalo The Bible—God’s Word or Man’s, Bukka me Ododo me Baibul, ki You Can Live Forever in Paradise on Earth ka gitye ma kigwokogi i kacokke.

◼ Jang gang kal pe cwalo bukke bot lutit kwena ma nongo gupenyo pire pigi kengi. Won kom pa luelda myero oyub lok angeya dwe ki dwe ma nongo kacokke peya gupenyo pi bukke ma gimito pi dwe moni i jang gang kal wek ka ngati mo tye ka mito buk, ci oniang omego ma neno lok i kom bukke con. Wii pe owil me penyo pi bukke mukene ma pigi tego nyo mitte pi oyot.

◼ Kipoyo wii luelda me lubo tam ma tye i Watchtower me April 15, 1991, i pot karatac 21-3, pi lok madok i kom jo ma nongo kiryemogi woko ki i kacokke nyo ma nongo gua woko ki i kacokke pigi kengi, ento nongo gitye ki miti me dwogo cen i kacokke.

◼ Pwony ma kite dok pat ma kiyubo pi lwak pi kare me Nipo me mwaka 2006 kibimiyone i ceng cabit nino dwe 30 me dwe me Angwen. Wi lokke bikati i lok angeya mukene. Kacokke mogo ma nongo laneno me adwol tye ka limogi, nyo ma gitye ki gure madit i cabit ma orwatte ki nino man, gibiwinyo pwony man i cabit mukene. Kacokke mo keken omyero pe omi pwony man ma nongo ceng cabit me nino dwe 30 me dwe me Angwen mwaka 2006 peya oromo.

◼ Kit ma dwe me Apar tye ki ceng abicel ki ceng cabit abic kulu-ni, bedo ber matek me tic macalo painia pi tutunu.

◼ Kacokke mapat pat omyero dong gucak penyo pi bound volume me Watchtower ki me Awake! me mwaka 2005, kacel ki Watchtower Library me mwaka 2005 ma tye i CD-ROM. Waraga ma kiryeyo iye leb mapat pat ma kigonyo iye bukke magi, ma nongo gitye, kibicwalone i waraga me “Lok Angeya bot Kacokke Ducu,” ma kicwalo dwe ki dwe. Ki dok bene myero wunge ni Watchtower Library me mwaka 2005 tye pi jo me kacokke ma dong gutyeko nongo batija dok bene kinongo ki i kacokke keken.

◼ Kilaci me namba 16 me Cukul pa Lukony kor Tic ki Luelda ma tye i Kenya, gutyeko kwangi i nino dwe 29 me dwe me Abic mwaka 2005. Obedo me cuko cwiny atika me winyo pwoc ma lutino kwan ma gua ki i Etiopia, Kenya, Sudan, Tanzania, ki Uganda gumiyo pi kwan man. Utmego ma peya gunyomme ma gitye ki mwaka 23 nio kwede wa i mwaka 50 ma gitye ki miti me kwan i cukul man giromo nongo ngec mapol ki i cokke mo ma laneno me distrik aye doro wiye, ma bedo i kare me gure me adwol. Utmego magi myero kong guti calo lukony kor tic pi mwaki aryo, nyo gubed luelda. Pwony ducu ma kipwonyo ki i Cukul pa Lukony kor Tic ki Luelda ma tye i Kenya bedo i Leb Munu. Ngat mo keken ma penyo me cito iye myero onge Leb Munu maber wek oniang pwony meno maber.

◼ I ticwa me mwaka 2006, jo ducu ma gibedo ka tic calo painia pi tutunu i kare me lim pa laneno me adwol i kacokke moni, gibibedo tye i nucu pa cokke ma painia gibedo kwede i cabit me lim pa laneno me adwol. Kicuko cwiny jo ma gibitimo man me nongo kony ki i yub man ma dok pat-ti.