Yub Me Cokke Me Ticwa

Ngec ma Tye: Ticwa me Ker ma bikati i kare me gure madit bibedo ki yub me Cokke me Ticwa pi cabit ducu i kare meno. Kacokke ducu omyero gulok yubgi wek omi botgi kare me bedo tye i Gure me Distrik ma wi lokke tye ni “Winy Lubanga.” Ka twere, kwanyu dakika 15 i kare me Cokke me Ticwa me agikki ma peya wucito i gure madit me neno tam ma kimiyo ki lok me poyo wic ma gitye i karatac ma tye i Ticwa me Ker en-ni. Ka dwe acel nyo aryo okato i nge gure madit, omyero wukwany dakika 15 nyo 20 i Cokke me Ticwa (oromo bedo ka ma nongo omyero kimi iye kop ma mako kacokkewa) wek lutit kwena gutit kit ma gitye ka nongo ki kony pi keto jami ma kipwonyogi kwede ki i gure madit-ti i ticgi me pwony. Wan ducu omyero watemme me coyo lok ma pigi tego ma wamito tic kwede i ticwa me pwony piny pi yubbe me tito lok i nino meno. But pwony me Cokke me Ticwa man ma pire tek-ki biminiwa kare me tito kit ma watye ka tic kwede ki pwony ma wanongo ki i gure madit ki dok kit ma pwonye tye ka weko ticwa me pwony woto maber. Winyo kit ma dano guketo kwede pwony ma gunongo ki i gure madit i tic bicuko cwiny jo mukene bene me lubo tam ki pwony ma kimiyo i gure madit.

Cabit ma Cakke i Nino Dwe 13 Dwe me Abicel

Wer 198

Dak. 10: Lok angeya ma botwa kany. Lok Angeya ma kiyero ki i Ticwa me Ker. Ti ki tam ma kimiyo i pot karatac 8 (ka rwatte ki kwo me wang ticwu) por kit me miyo Watchtower me nino dwe 15 Dwe me Abic ki Awake! me nino dwe 22 Dwe me Abic. Kit me nyuto magajin i yo maber mukene bene kitwero tic kwede. I lapor acel, nyut kit me miyo magajin i kare ma nongo latit kwena pe oyubbe pire.

Dak. 15: Kony Jo Mukene Wek Gudok Lutit Kwena ma Pud pe Kibatijagi. Laelda aye omyero omi pwony man kun nyamo lapeny ki lagam kacel ki lwak, dok ojeng pwonye i buk me Organized to Do Jehovah’s Will, pot karatac 79-81. Nyam lok i kom yub ma tye me moko ka ada latin kwan me Baibul dong tye ka lubo Ginacoya ma mitte me donyo i tic me pwony kacel ki kacokke. I cabit manyen wabineno kit me pwonyo latin kwan me Baibul ma dong opore me bedo latit kwena ma pud pe kibatija me cako donyo i tic me pwony i dog ot-ki-dog ot.

Dak. 20: “Tic me Pwony Konyo me Diyo Cwinywa.”a Wek lwak gulok i kom ginacoya ka cawa ye.

Wer 149 ki lega me agikki.

Cabit ma Cakke i Nino Dwe 20 Dwe me Abicel

Wer 206

Dak. 10: Lok angeya ma botwa kany. Wot wiye wiye i kop ma pigi tego ma tye i Our Kingdom Ministry me Dwe me Abiro mwaka 2003, pot karatac 4. Tit kit ma latit kwena twero gamo kwede bukkewa ma kicoyo i leb mukene. Nyut kit ma kitwero tic kwede ki ngec man i wang ticwu. Ka kimito gamo buk mo omyero kipeny ki bot lagwok buk kadi ka onongo kimito acel keken, wek kicwal obin oyotoyot.

Dak. 15: Lok pa Lubanga Tiyo Matek. (Ibru 4:12) Pwony man ojenge i kom Watchtower, me nino dwe 15, Dwe me Aparacel mwaka 2003, pot karatac 11, paragraf 13-17. Tit gin ma otimme i kwo pa jo mogo ma nyuto ni pwony me Baibul twero konyo dano me loko yo me kwogi. (w00 1/1 p. 3-5) Cuk cwiny dano ducu me tic ki Baibul i yo maber ka gitye i tic me pwony.

Dak. 20: “Kwano Baibul ki Lutino Kwan i Yo ma Weko Gidongo—Bute me 10.”b Wek latin kwan opor kit me timone me nyuto kit ma myero owot kwede. Ka dong latin kwan tye ka porone, lapwonye-ni obed calo rwed ot ci openy lapeny mo ma dano gimaro penyone i wang ticwu, ento ka latin kwan pe ngeyo lagamme maber, ci lapwonye onyute kit me gamone. Yub woko con pi ngat acel nyo jo aryo wek gutit kit pwonnye ma gunongo i kare ma gucako donyo i tic me pwony i dog ot-ki-dog ot.

Wer 208 ki lega me agikki.

Cabit ma Cakke i Nino Dwe 27 Dwe me Abicel

Wer 113

Dak. 15: Lok angeya ma botwa kany. Po wi lutit kwena me miyo ripot me ticgi pi Dwe me Abicel. Kwan lok i kom lim dok imi pwoc pi mot ma kibolo. Ti ki tam ma kimiyo i pot karatac 8 (ka rwatte ki kwo me wang ticwu) por kit me miyo Watchtower me nino dwe 1 Dwe me Abicel ki Awake! me nino dwe 8 Dwe me Abicel. Kit me nyuto magajin i yo maber mukene bene kitwero tic kwede. I nge lapor, nwo dok lok ma kicako kwede lapor me tugo miti pa rwed ot.

Dak. 30: “Pak Jehovah i Cokke Madit.” Pwony man omyero karan pa kacokke aye omi. Tit ka ma kacokke bicito iye i gure madit. Nyam paragraf ma tye ki namba calo kit ma kikwano kwede Kwan me Watchtower. Wek ngat mo ma icimo okwan paragraf. Wot wiye wiye i bok ma wiye tye ni “Lok me Poyo Wic ma Mako Gurre Madit me Distrik.”

Wer 196 ki lega me agikki.

Cabit ma Cakke i Nino Dwe 4 Dwe me Abiro

Wer 70

Dak. 10: Lok angeya ma botwa kany.

Dak. 15: In Itye ka Nongo Ber pa Tic ki Yub pi Jo me Ot? Nyam tam mogo ma kimiyo i pot karatac ma tye i Ticwa me Ker me Dwe me Abic mwaka 2005, dok iwek lwak gutit kit ma gitute kwede me keto tam man i tic ki dong ber ma ginongo macalo adwogi me tic kwede.

Dak. 20: “Miyo Caden i Yo Maber i Kabedo ma Guro wi Dano Mapol.”c Wek obed i yo ma rwatte ki kwo ma i wang ticwu. Po wi lutit kwena me tic ki fom me Please Follow Up (S-43) ka ce mitte.—Nen Our Kingdom Ministry me Dwe me Aryo mwaka 2005, p. 6.

Wer 120 ki lega me agikki.

[Lok ma tye piny]