Bok Me Lapeny

◼ Anga ma tye ki twero me coyo nyom nyo miyo pwony i wi lyel?

Watchtower me Decemba 1 1975 otito ni, i kacokkewa luelda ki lukony kor tic keken aye kiromo lwongogi ni “jo ma kicimogi” me tic i kacokke. Ka cik me lobo, boma nyo gombolola moni miyo twero me coyo nyom bot lutic pa Lubanga keken (kadi bed gitye ki “lancic,” “kicoyogi i te cik” nyo “kicimogi”) ci omego ma “kicimogi” ma lubbe ki Baibul (jo ma kicimogi me tic i kacokke macalo luelda nyo lukony kor tic) aye gibibedo ki twero me coyo nyom. (Pe omyero wapar pi ngat ma ocoyo nyom i kare mukato angec.)

Pire tek ni wuniang maber cik ma kwako nyom i kabedowu, ci wulubi. Tim ber pe ico waraga bot jang gang kal pi nongo ngec meno, pien pe watye ki cik ma kwako nyom i kabedo ducu.

Ka jo aryo moni me kacokke gimito ni omego mo ma tye lanen maber (ento pe tye laelda nyo lakony kor tic) aye omi pwony i nyomgi, ci twere gire, ento i nge meno laelda nyo lakony kor tic mupore dok ma kicimo me coyo nyom en aye bineno kwonge pa jo ma binyomme. Kwonge pa jo ma gitye ka nyomme-ni aye gin ma moko nyomgi ka maleng.

Lunyom ma gimito tic ki Ot me Ker pi nyomgi omyero kong gupeny komitti ma loyo wi tic me pwony me kacokke ma girwatte i Ot me Ker meno kun giketo i coc. (nen “Bok me Lapeny” i Kingdom Ministry me Juni 1975.)

Miyo pwony me yiko ngat ma oto dok pat ki coyo nyom. Pe tye cik mo ma kwako anga ma myero omi pwony meno. Ma ka meno, jo me ot pa lato aye gicimo omego ma tye lanen maber pi miyo pwony i wi lyel. Giyero ngat ma gimito dok giketo yub ma mitte. Pe mitte ni ngat ma guyero-ni obed dano ma “kicimo” pi tic i kacokke ma lubbe ki Ginacoya.