Lok me Cakone

Utmegiwa ma Gimaro Jehovah:

Yecu owaco ni “Wubingeyo lok me ada, lok me ada bigonyowu.” (Jon 8:32) Lok meno pud dong obedo me yomcwiny atika! Kakare, ngeyo lok me ada gire twere, kadi wa i ‘kare man me agikki’ ma piny dong tye marac dok lok me goba oromo kin piny woko-ni. (2 Temceo 3:1) Wi tika po kare ma icako pwonyo iye ada ma tye i Lok pa Lubanga? Myero obed ni oyomo cwinyi mada!

Ento, kadi bed ni pire tek me bedo ki ngec matir kun wanywako ngec man kare ki kare ki jo mukene, omyero wanen ni wakwo kwo ma rwatte ki lok me ada. Wek meno otwere, omyero wanen ni wabedo i mar pa Lubanga. Man kwako ngo? Lok ma Yecu oloko i dye wor ma en oto iye-ni ogamo lapeny man. En owaco ki lukwenane ma lugen ni: “Ka wugwoko cikka, wubibedo i marra, kit macalo ceng agwoko cik pa Abana, abedo i marre.”​—Jon 15:10.

Nge ni Yecu obedo i mar pa Lubanga ki gwoko cik pa Wonne. Man rom aroma ki wan i kare-ni bene. Wek wabed i mar pa Lubanga, omyero wanen ni wakwo kwowa ma lubbe ki lok me ada nino ducu. I otyeno acel-lu, Yecu owacci: “Ka wungeyo lok man, ci wubibedo ki yomcwiny ka wutiyogi.”​—Jon 13:17.

Genwa tye ni buk man bikonyowu me medde ki kwo kwo ma lubbe ki lok me ada kun wubedo “i mar pa Lubanga . . . nio wa i kwo ma pe tum.”​—Juda 21.