‘Wubed i Mar pa Lubanga’
1. Pingo kicoyo buk man me ‘Wubed i Mar pa Lubanga’?
1 Pud dong watye ka kuro kwano buk man manyen me ‘Wubed i Mar pa Lubanga’ ya i Cokke me kwano Baibul i cabit ma cakke i Febuari 23! Waraga ma Lukiko Madit ocoyo bot jo ma gimaro Jehovah ogik ki lok magi: ‘Genwa tye ni buk man bikonyowu me medde ki kwo kwo ma lubbe ki lok me ada kun wubedo “i mar pa Lubanga . . . nio wa i kwo ma pe tum.”—Juda 21.’
2. I kit yo me kwo mene ma buk man manyen-ni bikonyowa iye?
2 Gin ma Myero Wakur: I yo ma nining ma cik ma iye lac me Baibul loko kwede i kom jami calo mako lirem, galowang, woro luloc, kitwa, nyom, tic ki lebwa ki dong tim me tekwaro? Cwinywa ma ngoliwa kop-pi bipwonye ma lubbe ki rwom mamalo me kit matir ma kitito pire i Lok pa Lubanga. (Jab. 19:7, 8) Ka niangowa i kom yo me tam pa Jehovah omedde, ci bedowa ki miti me yomo cwinye aye bimiyo wabedo ki winy i yo me kwowa ducu.—Car. 27:11; 1 Jon 5:3.
3. Pingo omyero watute matek me miyo lagam i pwony me cabit ducu?
3 Mok Tammi me Miyo Lagam: Ka itye ka yubbe, ket obed yubbi me pako Jehovah i kin jone me kacokke. (Ibru 13:15) Kacokke ducu bikwano buk man manyen-ni kacel. Pwony manok ma kibinyamone biminiwa kare me yubbe maber, kun miniwa tekcwiny me nywako gin ma wapwonyo. Yubo lagamwa maber dok i yo macek bitugo cwiny jo mukene i mar ki timo tic mabeco, dok miyo nyamo lok me pwonye bedo mit. (Ibru 10:24) Ki bene, wabibedo ki yomcwiny madit ka ce wanyutu niyewa ki miyo lagam.
4. Pingo pire tek mada ni omyero walub cik pa Jehovah?
4 I dyewor me agikki me kwone i lobo, Yecu onyutu ni lubu cik pa Jehovah woto kacel ki bedo i mar pa Lubanga. (Jon 15:10) Ki kony pa buk man me “Mar pa Lubanga,” wabimoko i cwinywa me cung matek me keto cik ma iye lac me Baibul i tic i kwowa me nino ducu ki dong ‘gwokke me bedo i mar pa Lubanga.’—Juda 21.