Аполитикатә қәымчра. Иаҳәозеи Абиблиа?

Аполитикцәа рганахьала ақәымчрақәа еиҳа-еиҳа ирацәахо иалагеит.

Избан аполитика иадҳәалоу ақәымчрақәа абас изырацәахаз? Иԥҵәома урҭ рҵыхәтәа? Иаҳәозеи Абиблиа?

Аполитикатә ҳәоуеиқәымшәарақәа ахьыҟоу џьашьатәӡам

Абиблиа заа иаҳәахьан «аҵыхәтәантәи амшқәа» ҳәа зызҳәоу иахьатәи аамҭазы ауаа агәымбылџьбарареи аҳәоуеиқәымшәареи зхылҿиаауа аҟазшьақәа шаадырԥшло.

• «Иудыруаз, аҵыхәтәантәи амшқәа раан аамҭа даараӡа ишыцәгьахо. Ауаа... ҭабуп ҳәа рҳәалаӡом, ирзааигәоу ауаа аанрыжьлоит... нышәара зқәым ракәхоит... ргәыжәла цәгьахоит... рҩызцәа рҭилоит, рҳәатәы иадыргалоит, иԥагьахоит» (2 Тимофеи 3:1—4).

Абиблиа иара убас заа иаҳәахьан ҳаамҭазы аҿагыларақәеи аполитикатә еилаҩынтрақәеи шыҟало (Лука 21:9). Аха уи иара убас ҳақәнаргәыӷуеит ус наӡаӡа ишыҟамзаало.

Аполитикатә қәымчра аҵыхәтәа ԥҵәоит

Абиблиаҿы иҳәоуп Анцәа ауаатәыҩсатә напхгарақәа рҭыԥан жәҩантәи инапхгара шыҟаиҵо.

• «Жәҩантәи Анцәа ишьақәиргылоит... аҳра. Уи аҳра... урҭ [егьырҭ] аҳрақәа зегьы ықәнахуеит, насгьы рҵыхәтәа ԥнаҵәоит, ахаҭа наӡаӡа иҟазаауеит» (Даниил 2:44).

Анцәа Иаҳра ауаа зегь еиднакылоит, насгьы адунеи ахьынӡанаӡааӡо аҭынчра шьақәнаргылоит.

• Уи напхгаҩыс иамоу Иисус Христос иоуп, иара «Аҭынчра аҭауад» ҳәа изҳәоуп, аҭынчра ахаан ишнымҵәогьы агәра ҳиргоит (Исаиа 9:6, 7).

• Иахьа уажәнатә уи Аҳра напхгара зызнауа ҭынч аицынхашьа аҵара иаҿуп. Абиблиаҿы иануп: «Ажәларқәа аҳәа шьҭыхны еиҿагылаӡом, уаҳа аибашьышьагьы рҵалаӡом» (Исаиа 2:3, 4).

Еиҳаны еилышәкаарц азы шәаԥхьа астатиа «Что сделает Царство Бога?», иара убас шәахәаԥш авидеонҵамҭа «Изакәызеи Анцәа Иаҳра?».