Абиблиатә ҿырԥштәқәа реилкааразы иҟаҵалатәу

Абиблиаҿы аҿырԥштәқәеи аиҿырԥшрақәеи рацәаӡаны иаагоуп. Аха урҭ реилкаара мариамзар алшоит (Матф. 13:13). Иҟаҵалатәузеи урҭ еилышәкааларц азы? Ҵаҟа иаагоу алабжьарақәа шәхы иашәырхәа.

• Атемеи уи зҿырԥшуи еилышәкаа. Иаҳҳәап, Аатра 3:3 аҿы Иисус иаара (атема) аӷьыч иаара (аиҿырԥшра) иаҿырԥшуп.

• Атемеи аиҿырԥшреи злеиԥшу еилышәкаа. Акы даҽакы изаҿырԥшу шәазхәыц.

• Иҟашәҵаз алкаа ииашоу-ииашаму гәашәҭ. Зны-зынла атемеи аиҿырԥшреи злеиԥшу акы даҽакахьы уагар алшоит, ииашоу алкаа аҟаҵарагьы иуԥырхагахар ауеит. Хыхь иаагаз аҿырԥштәы аҿы Иисус ак иӷьычырц азы акәӡам дзаауа. Аконтекст ишаҳнарбо еиԥш, Иисус иаара аӷьыч иаара излаиеиԥшу уи аӡәгьы дахьазыԥшымзаауа алоуп.