Izenzo ZoFakazi BakaJehova Ezikhathini Zanamuhla
INicaragua
Leli zwe elikhangayo liyisibonelo sezwe elinezinto ezinhle nabantu abanhlobonhlobo. Ngeshwa, eNicaragua kuye kwaqubuka izinhlekelele, ezemvelo nezenziwe abantu. Noma kunjalo, izinhlekelele azizivimbanga izinkulungwane zabantu ukuba zamukele izindaba ezinhle zoMbuso kaNkulunkulu. Yizwa indlela isibusiso sikaJehova esicebile esiveze ngayo insada yezithelo ezingokomoya kuleli zwe elishisayo elinamachibi, imifula, nezintaba.
IPhilippines
Cabanga ngenselele okuyiyo ukushumayela izindaba ezinhle ezweni elakhiwe iziqhingi ezingu-7 000, eziningi zazo okunzima ukuzifinyelela ngenxa yodukathole bamahlathi noma izintaba! Ngaphandle kwalokho, kuvame izikhwishikhwishi zomoya, izikhukhula, ukuzamazama komhlaba, nezintaba-mlilo. Funda indlela ukukhulekela okumsulwa okuchume ngayo ePhilippines naphezu kwezinkinga ezinjalo.