Imisebenzi Emihle Engenakulibaleka

Bonke abantu bakaJehova bangazenzela umlando omuhle wemisebenzi emihle enkonzweni yakhe engcwele. Njengomzali onothando ongazikhohlwa izinto ezifezwe izingane zakhe, noJehova akawukhohlwa umsebenzi esiwenzayo nothando esilubonisayo ngenxa yakhe. (Math 6:20; Heb 6:10) Yiqiniso ukuthi amakhono nezimo zethu akufani. Noma kunjalo, singajabula uma senza konke okusemandleni ethu enkonzweni kaJehova. (Gal 6:4; Kol 3:23) Eminyakeni edlule, izinkulungwane zabafowethu nodadewethu ziye zakhonza eBethel. Ungakwazi yini ukuyosiza eBethel? Uma izimo zingakuvumeli, ungakwazi yini ukukhuthaza omunye umuntu ukuba ayokhonza khona noma usize ilungu lomndeni waseBethel liqhubeke lisenkonzweni ekhethekile?

BUKELA IVIDIYO ETHI LOKHO ONGAKWENZA UKUZE UKHONZE EBETHEL, BESE UPHENDULA LE MIBUZO ELANDELAYO:

• Yini okufanele ikwenze uthande ukuyokhonza eBethel?

• Abanye baye bathini ngezibusiso zokukhonza eBethel?

• Yini edingekayo ukuze ukhonze eBethel?

• Ungasifaka kanjani isicelo sokuyokhonza eBethel?