Ingabe Uwasebenzisa Kahle Amakhadi Okungena Ku-JW.ORG?

Njengoba usizi olukhulu lusondela, umsebenzi wethu wokushumayela uyaphuthuma. (IzA 24:11, 12, 20) Ukuze sisize abantu, singasebenzisa amakhadi aqondisa abantu eZwini likaNkulunkulu nasengosini yethu. Leli khadi linekhodi evulela abantu i-video ethi Kungani Kufanele Utadishe IBhayibheli? futhi le video ikhuthaza abantu ukuba bacele ulwazi olwengeziwe noma isifundo seBhayibheli. Abanye abantu abathandi ukwamukela izincwadi zethu kodwa bangathanda ukungena engosini yethu. Ungangabazi ukubanika leli khadi. Nokho, ungawashiyi kulabo abangalithandi iqiniso.

Njengoba uqhubeka nemisebenzi yansuku zonke, ungalivusa ilukuluku lokwazi iqiniso ngokumane nje uthi: “Nginokuthile engithanda ukukunika kona. Leli khadi likuyisa engosini okutholakala kuyo ulwazi lwamahhala kanye nama-video anezihloko ezihlukahlukene.” (Joh 4:7) Ngenxa yokuthi la amakhadi mancane, kungaba lula ukuba uphathe nje ambalwa khona uzokwazi ukuwasebenzisa lapho kuvela ithuba lokufakaza.