Uyini Umgomo?
1 Kungani siqhuba izifundo zeBhayibheli zasekhaya? Ukuze sidlulisele ulwazi nje, sithuthukise ukuphila kwabantu, noma sibenze babe nombono okahle ngekusasa? Cha. Umgomo wethu oyinhloko uwukwenza abafundi bakaJesu Kristu! (Math. 28:19; IzE. 14:21) Kungakho kudingeka ukuba labo esifunda nabo bahlanganyele nebandla. Intuthuko yabo engokomoya ihlobene ngokuqondile nokwazisa kwabo inhlangano yobuKristu.
2 Indlela Yokuwufinyelela: Zisuka nje, mcele ngokuqhubekayo umfundi ukuba abe khona emihlanganweni yebandla. (Heb. 10:24, 25) Mchazele indlela le mihlangano eyoluqinisa ngayo ukholo lwakhe, imsize enze intando kaNkulunkulu futhi imenze ajabulele ubudlelwane obakhayo nabanye abafisa ukukhonza uJehova. (IHu. 27:13; 32:8; 35:18) Amazwi akho abonisa uthando nokwazisa ngebandla nemihlangano ayoshukumisa isifiso sakhe sokuba abe khona.
3 Abasanda kuhlanganyela badinga ukuqonda ukuthi inhlangano kaJehova iwubuzalwane bomhlaba wonke. Baboniseni ikhasethi ye-video ethi Jehovah’s Witnesses—The Organization Behind the Name nethi Our Whole Association of Brothers. Basizeni babone ukuthi uJehova usebenzisa izigidigidi zabantu abazinikezele emhlabeni wonke ukuba bafeze intando yakhe. Laba abasanda kuhlanganyela kufanele bazi ukuthi nabo bayamenywa ukuba bakhonze uNkulunkulu.—Isaya 2:2, 3.
4 Kujabulisa kakhulu ukubona umfundi weBhayibheli eba umfundi kaJesu weqiniso. Yilowo umgomo wethu!—3 Joh. 4.