IZindaba Ezingokwasezulwini

E-Angola: Ngo-December kwafinyelelwa inani elisha eliphakeme labamemezeli abangu-35 034.

EBangladesh: UMhlangano Wesigodi ‘Wokholo EZwini LikaNkulunkulu’ owawuqhutshelwa eDacca waba nenani elingakaze lifinyelelwe lababekhona abangu-142, kwabhapathizwa abangu-14. Lelo kwakuyinani eliliphinda ngaphezu kwezikhathi ezimbili inani labantu abake babhapathizwa ngesikhathi esisodwa eBangladesh.

EBenin: Ingqikithi yababa khona ochungechungeni lweMihlangano Yesigodi ‘Yokholo EZwini LikaNkulunkulu’ yafinyelela ku-15-633, kwabhapathizwa abangu-403. Umbiko wango-December ubonisa inani elisha eliphakeme labamemezeli abangu-5351.

ELiberia: Ngo-December kwaqhutshwa umhlangano wesigodi omuhle eMonrovia, kwaba nabangu-5158. Kwabikwa inani elisha eliphakeme labamemezeli abangu-2127 kuleyo nyanga.

EMadagascar: Ngo-December kwaba nokwanda ngamaphesenti angu-11 kubamemezeli uma kuqhathaniswa nesilinganiso sangonyaka odlule, abangu-9226 bahlanganyela enkonzweni yasensimini.

ENingizimu Afrika: Ekupheleni kuka-January nasekuqaleni kuka-February, kwaqhutshwa amakilasi angu-23 eSikole Senkonzo SoMbuso sabadala nezinceku ezikhonzayo ensimini yegatsha lethu. Kwaba nabadala abangu-4883 emakilasini angoLwesihlanu nangoMgqibelo nezinceku ezikhonzayo ezingu-3893 emakilasini angeSonto.