IZindaba Ezingokwasezulwini

IRepublic Ese-Afrika Emaphakathi: Umsebenzi wenkonzo ngo-October wawuvelele, kunenani elisha eliphakeme labamemezeli abangu-1 846. Izimiso zosuku lomhlangano okhethekile zanikezwa ezindaweni ezingu-19, kwabakhona ingqikithi yabangu-5 577 kwabhapathizwa abangu-32.

EMexico: Ngo-November, kwabikwa abamemezeli abangu-411 292. Leli kwakungelinye inani elisha eliphakeme.

ENingizimu Afrika: Kuye kwanikezelwa amanye amaHholo OMbuso ayisihlanu. Lawa i-Alexandra East (eGoli), iMatikulu (eduze kwaseMpangeni), iThokoza South (e-Alberton), iMistymount, neNtlaza. IMistymount neNtlaza zingamabandla amancane asendaweni eyayiyiTranskei. Abazalwane bawakha womabili lamahholo bengazange bacele imali ebolekiswayo eNhlanganweni, okuyinto etusekayo kakhulu. Siyakwazisa ukusekela okuqhubekayo enikunikeza isimiso soKwakhiwa KwamaHholo OMbuso.

Kwabakhona ingqikithi yabangu-127-956 eMihlanganweni yesiGodi ‘yoKwesaba UNkulunkulu’ eBotswana, eLesotho, eNamibia, eNingizimu Afrika, eSt. Helena, naseSwazini. Siyajabula ngokuthi kwabhapathizwa abangu-2 516.