Yini Abayikholelwayo?
OFAKAZI BAKAJEHOVA bakholelwa kuNkulunkulu uMninimandla onke, uJehova, uMdali wamazulu nomhlaba. Khona kanye ukuba khona kwezimangaliso eziklanywe ngokuyinkimbinkimbi endaweni yonke esizungezile kubonisa kahle ukuthi konke kwenziwa uMdali ohlakaniphe kakhulu nonamandla. Njengoba nje imisebenzi yamadoda nabesifazane iveza izimfanelo zabo, nemisebenzi kaJehova uNkulunkulu yenza okufanayo. IBhayibheli lisitshela ukuthi “izimfanelo zakhe ezingabonakali zibonakala ngokucacile kusukela ekudalweni kwezwe kuye phambili, ngoba ziqondakala ngezinto ezenziwe.” Futhi, ngaphandle kokuphimisela noma kwamazwi, “amazulu ayalanda ngenkazimulo kaJehova.”—Roma 1:20; IHubo 19:1-4.
Abantu abazenzi izitsha zobumba, noma benze amathelevishini nama-computer ngaphandle kwenjongo. Umhlaba nokudaliweyo kuwo okuyizitshalo nezilwane kumangalisa ngisho nakakhulu. Ukuklanywa komzimba womuntu namangqamuzana awo ayizigidigidi asinakukuqonda—ngisho nobuchopho esicabanga ngabo bumangalisa ngendlela engenakuqondakala! Uma abantu benenjongo lapho benza imiklamo yabo ewubala uma kuqhathaniswa, ngokuqinisekile uJehova uNkulunkulu wayenenjongo ngendalo yakhe emangalisayo! IzAga 16:4 zithi unayo: “UJehova wenzile konke kube nomgomo wakho.”
UJehova wenza umhlaba ngenjongo, njengoba atshela abantu bokuqala ababili: “Zalani, nande, nigcwalise umhlaba . . . nibuse phezu kwezinhlanzi zolwandle, nezinyoni zezulu, nezilwanyana ezinwabuzelayo emhlabeni.” (Genesise 1:28) Ngenxa yokuthi awuzange ulalele, lo mbhangqwana wehluleka ukugcwalisa umhlaba ngemikhaya enokulunga eyayiyowunakekela ngothando umhlaba nezitshalo zawo nezilwane. Kodwa ukwehluleka kwawo akuyibhuntshisi injongo kaJehova. Ezinkulungwaneni zeminyaka kamuva, kwalotshwa: ‘UNkulunkulu, owawubumba umhlaba akawudalelanga ize, wawubumba ukuba kuhlalwe kuwo.’ Ngeke ubhujiswe, kodwa “umhlaba umi phakade.” (Isaya 45:18; UmShumayeli 1:4) Injongo kaJehova ngomhlaba iyogcwaliseka: “Icebo lami liyakuma, ngiyakwenza yonke intando yami.”—Isaya 46:10.
Ngakho-ke, oFakazi BakaJehova bakholelwa ukuthi umhlaba uyohlala phakade nokuthi bonke abantu, abaphilayo nabafileyo, abayovumelana nenjongo kaJehova yomhlaba omuhle, owakhiwe, bangaphila kuwo phakade. Sonke isintu sazuza njengefa ukungapheleli ku-Adamu no-Eva, futhi ngenxa yalokho siyizoni. (Roma 5:12) IBhayibheli liyasitshela: “Inkokhelo isono esiyikhokhayo iwukufa.” “Abaphilayo bayazi ukuthi bayakufa, kepha abafileyo abazi lutho.” “Umphefumulo owonayo uyakufa.” (Roma 6:23; UmShumayeli 9:5; Hezekeli 18:4, 20) Khona-ke kungenzeka kanjani ukuba baphinde baphile ukuze bahlanganyele ezibusisweni zasemhlabeni? Ngomhlatshelo wesihlengo kaKristu Jesu kuphela, ngoba wathi: “Mina ngingukuvuka nokuphila. Lowo obonisa ukholo kimi, ngisho noma efa, uyophila.” ‘Bonke abasemathuneni ayisikhumbuzo bayolizwa izwi layo futhi baphume.’—Johane 5:28, 29; 11:25; Mathewu 20:28.
Lokhu kuyokwenzeka kanjani? Kuchazwe ‘ezindabeni ezinhle zombuso,’ uJesu aqala ukuzimemezela lapho esemhlabeni. (Mathewu 4:17-23) Kodwa namuhla oFakazi BakaJehova bashumayela izindaba ezinhle ngendlela ekhetheke kakhulu.
[Ishadi ekhasini 13]
LOKHO OFAKAZI BAKAJEHOVA ABAKUKHOLELWAYO
Inkolelo Isizathu EsingokomBhalo
IBhayibheli lithembeké kakhulu Math. 15:3; Kol. 2:8
kunesiko
Igama likaNkulunkulu nguJehova IHu. 83:18; Isaya 26:4;
UKristu uyiNdodana kaNkulunkulu Math. 3:17; Joh. 8:42;
UKristu wayeyizibulo lendalo Kol. 1:15; IsAm. 3:14
kaNkulunkulu
UKristu wafela esigxotsheni, hhayi Gal. 3:13; IzE. 5:30
esiphambanweni
Ukuphila kukaKristu kobuntu Math. 20:28; 1 Thim. 2:5, 6;
kwakhokhwa njengesihlengo sesintu 1 Pet. 2:24
esilalelayo
Umhlatshelo owodwa kaKristu wawanele Roma 6:10; Heb. 9:25-28
UKristu wavuswa kwabafileyo 1 Pet. 3:18; Roma 6:9;
njengomuntu womoya ongafi IsAm. 1:17, 18
Ukuba khona kukaKristu kungumoya Joh. 14:19; Math. 24:3;
UMbuso ngaphansi kukaKristu uyobusa Isaya 9:6, 7; 11:1-5;
umhlaba ngokulunga nangokuthula Dan. 7:13, 14; Math. 6:10
UMbuso uyoletha izimo zokuphila IHu. 72:1-4; IsAm. 7:9, 10,
Umhlaba awusoze wabhujiswa noma UmSh. 1:4; Isaya 45:18;
ungabi nabakhileyo kuwo IHu. 78:69
UNkulunkulu uyobhubhisa isimiso IsAm. 16:14, 16; Zef. 3:8;
sezinto samanje empini Dan. 2:44; Isaya 34:2;
ye-Armagedoni 55:10, 11
Ababi bayobhujiswa phakade Math. 25:41-46;
Abantu uNkulunkulu abamukelayo Joh. 3:16; 10:27, 28; 17:3;
bayothola ukuphila okuphakade Marku 10:29, 30
Kunendlela eyodwa kuphela eya Math. 7:13, 14; Efe. 4:4, 5
ekuphileni
Ukufa kwesintu kubangelwa yisono Roma 5:12; 6:23
sika-Adamu
Umphefumulo womuntu uyapheza ukuba Hez. 18:4; UmSh. 9:10;
Ithemba labafileyo liwuvuko 1 Kor. 15:20-22;
Ukufa okwabangelwa ngu-Adamu 1 Kor. 15:26, 54;
kuyophela IsAm. 21:4; Isaya 25:8
Umhlambi omncane wabangu-144 000 Luka 12:32; IsAm. 14:1, 3;
kuphela oya ezulwini uyobusa 1 Kor. 15:40-53;
noKristu IsAm. 5:9, 10
Abangu-144 000 bazalwa ngokusha 1 Pet. 1:23; Joh. 3:3;
njengamadodana kaNkulunkulu IsAm. 7:3, 4
angokomoya
Isivumelwano esisha senziwa Jer. 31:31; Heb. 8:10-13
no-Israyeli ongokomoya
Ibandla likaKristu lakhelwe kuye Efe. 2:20; Isaya 28:16;
Imithandazo kumelwe iqondiswe Joh. 14:6, 13, 14;
kuJehova kuphela ngoKristu 1 Thim. 2:5
Izithombe akufanele zisetshenziswe Eks. 20:4, 5; Lev. 26:1;
ekukhulekeleni 1 Kor. 10:14; IHu. 115:4-8
Ukusebenzelana nemimoya kumelwe Dut. 18:10-12; Gal. 5:19-21;
kugwenywe Lev. 19:31
USathane ungumbusi wezwe 1 Joh. 5:19; 2 Kor. 4:4;
ongabonakali Joh. 12:31
UmKristu akumelwe ahlanganyele 2 Kor. 6:14-17; 11:13-15;
ezinqubweni zokuxuba izinkolo Gal. 5:9; Dut. 7:1-5
UmKristu kumelwe azigcine ehlukile Jak. 4:4; 1 Joh. 2:15;
ezweni Joh. 15:19; 17:16
Imithetho yabantu engashayisani Math. 22:20, 21;
nemithetho kaNkulunkulu kumelwe 1 Pet. 2:12; 4:15
ilalelwe
Ukufaka igazi emzimbeni ngomlomo Gen. 9:3, 4; Lev. 17:14;
noma ngemithambo kwephula IzE. 15:28, 29
imithetho kaNkulunkulu
Imithetho yeBhayibheli yokuziphatha 1 Kor. 6:9, 10; Heb. 13:4;
kumelwe ilalelwe 1 Thim. 3:2; IzAga 5:1-23
Ukugujwa kweSabatha kwakunikezwe Dut. 5:15; Eks. 31:13;
ama-Israyeli kuphela futhi Roma 10:4; Gal. 4:9, 10;
kwaphela noMthetho KaMose Kol. 2:16, 17
Isigaba sabefundisi neziqu Math. 23:8-12; 20:25-27;
ezikhethekile akufanelekile Jobe 32:21, 22
Umuntu akazange azivelele kodwa Isaya 45:12; Gen. 1:27;
wadalwa Math. 19:4
UKristu wabeka isibonelo okumelwe 1 Pet. 2:21; Heb. 10:7;
silandelwe ekukhonzeni uNkulunkulu Joh. 4:34; 6:38
Ukubhapathizwa ngokucwiliswa Marku 1:9, 10; Joh. 3:23;
ngokuphelele kubonakalisa IzE. 19:4, 5
ukuzinikezela
AmaKristu alifakazela obala Roma 10:10; Heb. 13:15;
ngenjabulo iqiniso elingokomBhalo Isaya 43:10-12
[Isithombe ekhasini 12]
UMHLABA . . . wadalwa uJehova . . . unakekelwa umuntu . . . kuyohlalwa kuwo phakade