“Indalo Yonke Ngaphakathi Kogebhezi”

“Ingqondo yomuntu iyindalo yonke ngaphakathi kogebhezi. Iwukuphela kwesitho somuntu esinamakhono angapheli,” kuphawula usosayensi waseSoviet nochwepheshe wezengqondo uNatalya Bekhtereva.

Ukuze kuhlolwe lawomakhono, ingqondo kumelwe isetshenziswe futhi iqeqeshwe. Futhi isifundo esibaluleke kakhulu umuntu angasebenzisela kuso ingqondo yakhe esoMklami wengqondo, uJehova uNkulunkulu.

Kanjalo umlobi wezaga ohlakaniphileyo wathi: “Uma ukufuna [ukuhlakanipha] njengesiliva, ukuphenya njengamagugu afihliweyo, khona uyakuqonda ukumesaba uJehova, ufumane ukumazi uNkulunkulu.”—IzAga 2:1-5.

Ingabe uyayisebenzisa ingqondo yakho ukuze uthole ‘ukumazi uNkulunkulu’ okuyigugu?