Wethembe Amandla KaJehova Okusindisa

Funda uNumeri 13:25–14:4 ukuze ubone ukuthi ama-Israyeli abonisa kanjani ukuthi ayengamethembi uJehova.

Hlaziya umongo. Kungani ama-Israyeli kwakufanele aqiniseke ukuthi uJehova unawo amandla okuwasindisa njengoba ayeshiya iGibhithe? (IHu. 78:​12-16, 43-53) Yini eyenza ukuba angabe esamethemba uJehova? (Dut. 1:​26-28) UJoshuwa noKalebi babonisa kanjani ukuthi babemethemba uJehova?—Num. 14:​6-9.

Funda okwengeziwe. Yini ama-Israyeli ayengayenza ukuze amethembe nakakhulu uJehova? (IHu. 9:10; 22:4; 78:11) Yikuphi ukuhlobana okukhona phakathi kokwethemba uJehova nokumhlonipha?—Num. 14:11.

Thola izifundo. Zibuze:

• ‘Yiziphi izimo ezingavivinya ukuthi ngimethemba ngokuphelele yini uJehova?’

• ‘Yini engingayenza ukuze ngimethembe nakakhulu uJehova manje nasesikhathini esizayo?’

• ‘Yini engiqiniseka ngayo njengoba usizi olukhulu lusondela?’—Luka 21:​25-28.