UKUPHILA NJENGAMAKRISTU
Bazali—Sizani Izingane Zenu Zithole Ukuhlakanipha KukaNkulunkulu
Indlela enhle kakhulu abazali abangasiza ngayo izingane zabo zithole ukuhlakanipha kukaNkulunkulu iwukuzisiza zizuze emhlanganweni yobuKristu. Lokho abasebasha abakubonayo, abakuzwayo nabakusho lapho bephendula emihlanganweni yebandla kungabasiza bafunde ngoJehova futhi basondelane naye. (Dut 31:12, 13) Uma ungumzali, ungayisiza kanjani ingane yakho izuze okuningi emihlanganweni?
Yenza konke ongakwenza ukuze ube khona ngokoqobo emihlanganweni yebandla.—Hu 22:22
Zinike isikhathi sokuxoxa nabanye ngaphambi noma ngemva kwemihlangano eHholo LoMbuso.—Heb 10:25
Qiniseka ukuthi wonke umuntu emndenini unazo izincwadi ezifundwayo emihlanganweni, kungaba semshinini noma eziphrintiwe
Siza ingane yakho ilungiselele impendulo ngamazwi ayo.—Mat 21:15, 16
Khuluma kahle ngemihlangano nalokho esikufunda kuyo
Siza izingane zakho zihlanganyele kuyo yonke imisebenzi eyenziwa eHholo LoMbuso, njengokuhlanza iHholo, nokukhuluma nasebekhulile abasebandleni
Ukusiza izingane zakho zisondele kuJehova kuwumsebenzi omkhulu nongase ubonakale ungaphezu kwamandla ngezinye izikhathi. Noma kunjalo, ungaqiniseka ukuthi uJehova uzokusiza.—Isay 40:29.
BUKELANI IVIDIYO ETHI NJENGABAZALI, NCIKANI KUJEHOVA NASEMANDLENI AKHE BESE NIPHENDULA LE MIBUZO ELANDELAYO:
Ukukhathala kwabathinta kanjani uZack noLeah?
Kungani abazali kufanele bacele uJehova abaphe amandla?
Yiziphi izindlela uZack noLeah abathembela ngazo kuJehova ukuze baphumelele?