UKUPHILA NJENGAMAKRISTU
Basebenza Kanzima Ukuze Basikhonze
Ababonisi besigodi nomkabo ngothando bayazidela ngenxa yalabo ababakhonzayo. Njengathi sonke, nabo banezidingo, ngezinye izikhathi bayakhathala, badikibale futhi bakhathazeke. (Jak 5:17) Noma kunjalo, isonto ngalinye bagxila ekukhuthazeni abazalwane nodade ababavakashele ebandleni. Ngempela ababonisi besigodi “bafanelwe udumo oluphindiwe.”—1Ti 5:17.
Lapho umphostoli uPawulu ehlela ukuvakashela eRoma ‘ukuze adlulisele isipho esithile esivela kuNkulunkulu’ ebandleni lakhona, wayelangazelela ukuba ‘bakhuthazane.’ (Rom 1:11, 12) Wake wacabanga yini ukuthi ungamkhuthaza kanjani umbonisi wesigodi nomkakhe, uma eshadile?
BUKELANI IVIDIYO ETHI UKUPHILA KOMBONISI WESIGODI WASEMAPHANDLENI BESE NIPHENDULA LE MIBUZO ELANDELAYO:
Ababonisi besigodi nomkabo balubonisa ngaziphi izindlela uthando nokuzidela ukuze basize ibandla?
Wena uzuze kanjani kulokho kuzidela kwabo?
Singabakhuthaza kanjani?