Hlubulani Ubuntu Obudala, Nigqoke Obusha

3:5-14

Lapho uba uFakazi, ingabe wenza izinguquko eziningi ebuntwini bakho? Ungaqiniseka ngokuthi imizamo yakho yamjabulisa uJehova. (Hez 33:11) Nokho, umzamo oqhubekayo uyadingeka ukuze ukwazi ukugwema ubuntu obudala bese uqhubeka nokubonisa ubuntu obusha. Ukuze ubone lapho okudingeka uthuthukise khona, phendula le mibuzo elandelayo:

• Ingabe ngimbambela amagqubu umuntu ongiphathe kabi?

• Ingabe ngiyasibonisa isineke ngisho nalapho ngiphuthuma noma ngikhathele?

• Ingabe ngiyisusa ngokushesha imicabango engcolile engqondweni yami?

• Ingabe nginemizwa engemihle ngabantu bolunye uhlanga noma besinye isizwe?

• Muva nje ngike ngakhuluma yini kabi nomunye umuntu noma ngahluthuka?