Khumbula UmkaLoti

Kungani umkaLoti abheka emuva lapho ebaleka eSodoma? IBhayibheli alisho. (Gen 19:17, 26) Umongo wesixwayiso sikaJesu uyabonisa ukuthi kungenzeka wayesafisa izinto ayezishiye emuva. (Luka 17:31, 32) Singakugwema kanjani ukulahlekelwa umusa kaNkulunkulu njengomkaLoti? Akufanele sivumele izinto zaleli zwe ezizosenza siphile ntofontofo kube izona eziza kuqala ekuphileni kwethu. (Math 6:33) UJesu wafundisa ukuthi ‘asikwazi ukuba yizikhonzi zikaNkulunkulu nezeNgcebo.’ (Math 6:24) Kodwa kuthiwani uma sesibona ukuthi izinto esinazo seziqala ukusiphazamisa ekwenzeni izinto ezizosisondeza kuJehova? Singathandaza kuJehova sicele ukuhlakanipha ukuze sibone ukuthi yikuphi lapho okudingeka senze khona ushintsho, sithandazele nesibindi namandla okulwenza.

BUKELA IVIDIYO ENEZINGXENYE EZINTATHU ETHI KHUMBULA UMKALOTI, BESE UPHENDULA IMIBUZO ELANDELAYO:

• 

  Ingcindezi yokufuna ukuba nemali eningi yayithonya kanjani indlela uGloria ayecabanga ngayo, ayekukhuluma ngayo nayenza ngayo izinto?

• Isibonelo somkaLoti siyisixwayiso kanjani kithi namuhla?

• Ukusebenzisa izimiso zeBhayibheli kwamsiza kanjani uJoe nomndeni wakhe?

• Abangane u-Anna ayesebenza nabo bamqhelelanisa kanjani noJehova?

• Kungani sidinga ukuba nesibindi lapho sicindezelwa ukuba sibheke imali njengebaluleke kunakho konke ekuphileni?

• Yini uBrian noGloria abayenza ukuze baphinde bazibeke kuqala ekuphileni izinto ezizobasondeza kuNkulunkulu?

• Iziphi izimiso zeBhayibheli ozibone ziqokonyiswa kule vidiyo?