Ukubukezwa KweSikole Senkonzo Esingokwasezulwini

Imibuzo elandelayo kuzoxoxwa ngayo eSikoleni Senkonzo Esingokwasezulwini ngesonto eliqala ngo-August 26, 2013. Kufakwe nosuku okuzoxoxwa ngalo ngephuzu ngalinye ukuze kwenziwe ucwaningo lapho kulungiselelwa isikole isonto ngalinye.

1. Isiphi isifundo esibalulekile esingasifunda ekwamukeleni kweNkosi uHerode udumo nenkazimulo okungayifanele kubantu? (IzE. 12:21-23) [July 1, w08 5/15 k. 32 isig. 7]

2. Intsha engamaKristu ingazuza kanjani ngokuhlola nangokulingisa isibonelo sikaThimothewu? (IzE. 16:1, 2) [July 8, w08 5/15 k. 32 isig. 10]

3. Ngemva kokuzwa u-Apholo ‘ekhuluma ngesibindi’ esinagogeni lase-Efesu, u-Akhwila noPrisila bamsiza kanjani ngothando? (IzE. 18:24-26) [July 15, w10 6/15 k. 11 isig. 4]

4. Isiphi isisekelo esingokomBhalo esenza oFakazi BakaJehova basebenzise izinkantolo zezwe ukuze bavikele ilungelo labo lokushumayela? (IzE. 25:10-12) [July 22, bt k. 198 isig. 6]

5. Umphostoli uPawulu waqhubeka kanjani ethola izindlela zokufakaza ngisho nalapho eboshiwe eRoma, futhi izinceku zikaJehova namuhla zisilingisa kanjani isibonelo sakhe? (IzE. 28:17, 23, 30, 31) [July 29, bt kk. 215-217 izig. 19-23]

6. Kungani iBhayibheli lilahla izenzo zobungqingili njengezingezona ezemvelo neziyichilo? (Roma 1:26, 27) [Aug. 5, g 1/12 k. 28 isig. 7]

7. ‘Isihlengo esakhokhwa uKristu Jesu’ ngo-33 C.E. sasingazemboza kanjani “izono ezenzeka” singakakhokhwa? (Roma 3:24, 25) [Aug. 5, w08 6/15 k. 29 isig. 6]

8. Iliphi ilungiselelo lothando uJehova alenzile elisebenza lapho sizithola sibhekene nesimo esikhungathekisayo futhi singazi ukuthi yini okufanele siyithandazele? (Roma 8:26, 27) [Aug. 12, w08 6/15 k. 30 isig. 10]

9. Usho ukuthini umyalo othi “landelani inkambo yokungenisa izihambi”? (Roma 12:13) [Aug. 19, w09 10/15 kk. 5-6 izig. 12-13]

10. ‘Singayigqoka kanjani iNkosi uJesu Kristu,’ njengoba kweluleka umphostoli uPawulu? (Roma 13:14) [Aug. 26, w05 1/1 kk. 11-12 izig. 20-22]